‘কেব’ৰ বিৰুদ্ধে অহা ৩০ নৱেম্বৰত কটনিয়ানৰ বৃহৎ জোঁৰ সমদল; অংশ ল’ব জুবিন গাৰ্গেও
জাতিধ্বংসী নাগৰিকত্ব সংশোধনী বিধেয়কৰ বিৰুদ্ধে ঐক্যবদ্ধ সংগ্ৰাম তীব্ৰতৰ হৈ উঠিছে কটনিয়ানৰ মাজত। অহা ৩০ নৱেম্বৰত কটন বিশ্ববিদ্যালয়ৰ ছাত্ৰ সমাজে ৰাজ্যজুৰি এক বৃহৎ জোঁৰ সমদল উলিয়াব। এই কথা আজি এক সংবাদমেল যোগে জনায় বিশ্ববিদ্যালয়খনৰ ছাত্ৰ সমাজে।
এই লৈ বিশ্ববিদ্যালয়খনৰ ছাত্ৰ সমাজে আজি এক প্ৰেছ বিবৃতিৰ জৰিয়তে নাগৰিকত্ব সংশোধনী বিধেয়কৰ বিৰুদ্ধে ৰাজ্যৰ ছাত্ৰ সমাজক ওলাই আহিবৰ বাবে আহ্বান জনায়।
আজিৰ সংবাদমেলতে বিধেয়ক বাতিল কৰিবলৈ তেওঁলোকে চৰকাৰক আহ্বান জনায় “কেব’ বাতিল নকৰিলে চৰকাৰৰ বিৰুদ্ধে অসহযোগ আন্দোলন ঘোষণা কৰিব বুলিও উল্লেখ কৰে।
লগতে বিধেয়ক বাতিলৰ দাবীৰে ৫ হাজাৰ কটনিয়ানে প্ৰধান মন্ত্ৰীলৈ স্বাক্ষৰিত পত্ৰ প্ৰেৰণ কৰিব বুলিও ব্যক্ত কৰে। আনহাতে “কেব’ৰ বিৰুদ্ধে কটনীয়ান সকলৰ কাষত থিয় দিছে যুৱ প্ৰজন্মৰ হাৰ্টথ্ৰ’ জুবিন গাৰ্গে।
জনপ্ৰিয় শিল্পী গৰাকীয়ে আজি ছচিয়েল মিডিয়াত এটা ভিভিঅ’ৰ জৰিয়তে সকলোকে “কেব’ৰ বিৰুদ্ধে থিয় দিবলৈ আহ্বান জনায়।