লিভাৰ আমাৰ শৰীৰৰ এক অতি গুৰুত্বপূৰ্ণ অংগ। সামগ্ৰিক সুস্থতাৰ বাবে লিভাৰে গুৰুত্বপূৰ্ণ ভূমিকা পালন কৰে। বৰ্তমান আধুনিক জীৱনশৈলীয়ে কম বয়সতে লিভাৰৰ স্বাস্থ্যৰ ওপৰত প্ৰভাৱ পেলাইছে। কিন্তু কিছুমান পুষ্টিকৰ উপাদানে লিভাৰৰ কাৰ্য্যক্ষমতা বৃদ্ধি কৰিব পাৰে। ইয়াৰে এটা হ’ল মেগনেছিয়াম।
অনিদ্ৰাৰ পৰা আৰম্ভ কৰি ভোক কমি যোৱা আৰু হাড় ঠুনুকা হোৱালৈকে সমস্যা সমাধানৰ বাবে মেগনেছিয়াম অতি গুৰুত্বপূৰ্ণ। তেনে ক্ষেত্ৰত মেগনেছিয়াম সমৃদ্ধ কেইবাটাও খাদ্য আছে যিবোৰ একেলগে খালে যথেষ্ট উপকাৰ পোৱা যাব। উদাহৰণ স্বৰূপে-
* ৰঙালাউৰ গুটি আৰু এভোকেডো: ৰঙালাউৰ গুটিত প্ৰচুৰ পৰিমাণে মেগনেছিয়াম থাকে। ইয়াক এভোকেডোৰ (মাখন ফল) দৰে লিভাৰৰ বাবে স্বাস্থ্যকৰ খাদ্যৰ লগত খালে ই অতি ফলপ্ৰসূ।
* পালেং শাক আৰু অলিভ অইল: অলিভ অইলত পালেং শাক ৰান্ধি খালে লিভাৰ সুস্থ হৈ থকাই নহয়, মেগনেছিয়ামৰ প্ৰয়োজনীয়তা পূৰণ কৰাতো সহায়ক হয়।
* ডাৰ্ক চকলেট: যদি মিঠাই খাবলৈ ভাল পায় তেনেহ’লে ডাৰ্ক চকলেট খাব পাৰে। ইয়াৰ লগত যিকোনো ধৰণৰ ফল খাওক।
* আলমণ্ড আৰু কাজু বাদাম: ভিটামিন ই আৰু মেগনেছিয়ামযুক্ত আলমণ্ড আৰু কাজু লিভাৰৰ বাবে অতি স্বাস্থ্যকৰ।
* কল: কলত প্ৰচুৰ পৰিমাণে মেগনেছিয়াম থাকে। দৈনিক খাদ্যত এটা কল অন্তৰ্ভুক্ত কৰিলে মেগনেছিয়ামৰ অভাৱ দূৰ কৰাত সহায়ক হ’ব পাৰে। ইয়াক ওটছৰ সৈতে স্মুদি হিচাপে খালে অতিৰিক্ত পুষ্টিকৰ উপাদান যোগ হ’ব।
