৩ লাখ কোটি টকাৰো অধিক বাণিজ্য কুম্ভমেলাত! দাবী অল ইণ্ডিয়া ট্ৰেডাৰ্ছ কনফেডাৰেচনৰ
শেহতীয়াকৈ অল ইণ্ডিয়া ট্ৰেডাৰ্ছ কনফেডাৰেচনে দাবী কৰিছে যে চলি থকা মহাকুম্ভ মেলাত ৩ লাখ কোটি টকাতকৈ(৩৬০ বিলিয়ন ডলাৰ)তকৈ অধিক ধনৰ বাণিজ্যৰ হৈছে.
CAITৰ সাধাৰণ সম্পাদক তথা সাংসদ প্ৰবীণ খাণ্ডেলৱালে বিশ্বাস আৰু অৰ্থনীতিৰ মাজৰ গভীৰ সংযোগৰ ওপৰত আলোকপাত কৰি কয় যে মহাকুম্ভৰ সময়ত বাণিজ্যিক কাৰ্যকলাপৰ অভূতপূৰ্ব পৰিসৰে প্ৰমাণ কৰে যে আধ্যাত্মিক পৰ্যটন আৰু ধৰ্মীয় সমাৱেশে ভাৰতৰ অৰ্থনৈতিক বিকাশত কেনেদৰে উল্লেখযোগ্য অৰিহণা যোগায়।
প্ৰথম অৱস্থাত মহা কুম্ভই ৪০ কোটি ভক্তক আকৰ্ষণ কৰিব আৰু বাণিজ্যত ২ লাখ কোটিৰ উপাৰ্জন কৰিব বুলি আশা কৰা হৈছিল। কিন্তু অতিশয় উৎসাহৰ বাবে এতিয়া অনুমান ৬০ কোটি দৰ্শনাৰ্থীলৈ বৃদ্ধি পাইছে, যাৰ ফলত প্ৰকল্পিত অৰ্থনৈতিক প্ৰভাৱ ৩ লাখ কোটিৰ বাহিৰলৈ অতিক্ৰম কৰা হৈছে বুলি CAIT-এ প্ৰকাশ কৰিছে।
সংস্থাটোৱে উল্লেখ কৰে যে মহা কুম্ভই পৰ্যটন, খাদ্য আৰু পানীয়, পৰিবহণ আৰু লজিষ্টিক, ধৰ্মীয় সামগ্ৰী, পৰম্পৰাগত কাপোৰ, হস্তশিল্প, স্বাস্থ্যসেৱা, সংবাদ মাধ্যম, বিজ্ঞাপন, আৰু মনোৰঞ্জনৰ দৰে খণ্ডসমূহক এক বৃহৎ সহায় আগবঢ়াইছে।
অৰ্থনৈতিক প্ৰভাৱ প্ৰয়াগৰাজৰ বাহিৰলৈও বিস্তৃত, ১৫০ কিলোমিটাৰ ব্যাসাৰ্ধৰ চহৰ আৰু নগৰত ব্যৱসায়িক কাৰ্যকলাপ বৃদ্ধি পাইছে। ইয়াৰ উপৰিও অযোধ্যা আৰু বাৰাণসীৰ দৰে ধৰ্মীয় কেন্দ্ৰসমূহত তীৰ্থযাত্ৰীৰ পদাংক বৃদ্ধি পোৱা দেখা গৈছে, যাৰ ফলত তেওঁলোকৰ স্থানীয় অৰ্থনীতি আৰু অধিক শক্তিশালী হৈছে।