এটা বিৰল দৃশ্য! বিয়াৰ পোছাক পৰিধান কৰি মূৰত বিয়াৰ পাগুৰি মাৰি বেণ্ড পাৰ্টিৰ সংগীতৰ মাজতে ঘোঁৰাত উঠি পত্নী বিচাৰি ওলাই গৈছে বিবাহোপযুক্ত যুৱকৰ দল! পোষ্টাৰ হাতত লৈ কইনাৰ সন্ধানত ওলাইছে এই ডঙুৱাৰ দল!
বহুতেই তেওঁলোকক দেখি তেওঁলোকক ঠাট্টা-মস্কৰা কৰিব পাৰে। কিন্তু তেওঁলোকৰ এই বিষয়ে কোনো ভ্ৰূক্ষেপ নাই। কিয়নো তেওঁলোক নিৰূপায়। চিধাচিধি প্ৰকাশ কৰিছে স্বীকাৰোক্তি। দৰাচলতে ঘটনাটো সংঘটিত হৈছে মহাৰাষ্ট্ৰৰ চোলাৰপুৰত।
লগতে পঢ়ক: দুধনৈৰ এখন চিকিৎসালয়ৰ নাৰ্চ নিশা ডেকাৰ আত্মহত্যা; জানুৱাৰীত ঠিক হৈ আছিল বিয়া
বিয়াৰ বাবে উপযুক্ত পাত্ৰ এটা দল বিবাহৰ পোছাকত পত্নী বিচৰা পোষ্টাৰ লৈ ঘোঁৰাত উঠি জিলা দণ্ডাধীশৰ কাৰ্যালয়ত উপস্থিত হয়। তেওঁলোক তালৈ আহি তেওঁলোকে তেওঁলোকৰ দাবীবোৰ উত্থাপন কৰে।
তেওঁলোকে দাবী কৰে যে তেওঁলোকে পত্নী বিচাৰে কিন্তু কইনা বিচাৰি নাপায়। সেয়ে তেওঁলোকৰ বাবে কইনা বিচাৰি দিব লাগে। সেইকাৰণে তেওঁলোকে দলবদ্ধভাৱে জিলা দণ্ডাধীশৰ কাৰ্যালয়লৈ আহিছে।
আপাতদৃষ্টিত, ঘটনাটো যিমান আচৰিত সিমানেই আকৰ্ষণীয়। অৱশ্যে ইয়াৰ আঁৰত এটা অতি গুৰুত্বপূৰ্ণ সামাজিক সমস্যা লুকাই আছে। সেই সমস্যাটো কি? সমস্যাটো হ’ল পুৰুষ আৰু মহিলাৰ সংখ্যাৰ অনুপাত। পুত্ৰসন্তানৰ তুলনাত মহাৰাষ্ট্ৰত কন্যা সন্তানৰ সংখ্যা হ্ৰাস পাইছে। এইটোৱেই অভিযোগ।
ৰাজ্যখনত পুৰুষ আৰু মহিলাৰ অনুপাত উন্নত কৰাৰ লক্ষ্যৰে ‘দৰা মৰ্চা’ই এই অনন্য শোভাযাত্ৰাৰ আয়োজন কৰিছিল। পিছত তেওঁলোকে জিলা দণ্ডাধীশৰ ওচৰত এখন স্মাৰকপত্ৰ দাখিল কৰে। মৰ্চাই প্ৰশাসনক ভ্ৰূণৰ লিংগ নিৰ্ধাৰণৰ বিৰুদ্ধে কঠোৰ ব্যৱস্থা ল’বলৈ দাবী জনায়।
লগতে পঢ়ক:২০০৬ চনৰ পৰা ৯৭ টা পোহনীয়া হাতী প্ৰেৰণ কৰা হৈছে আন ৰাজ্যলৈ; বিধানসভাত জনালে চৰকাৰে
তেওঁলোকে স্পষ্টভাৱে কয়, “মানুহে আমাৰ মৰ্চাক হাঁহিব পাৰে, কিন্তু এয়া হৈছে কৰুণ বাস্তৱ। বিবাহযোগ্য পাত্ৰসকলে তেওঁলোকৰ যোগ্য পাত্ৰী ইয়াত বিচাৰি পোৱা নাই। কাৰণ এই ৰাজ্যত পুৰুষ আৰু মহিলাৰ অনুপাত ইমান কম। ৰাজ্যখনৰ প্ৰতি ১০০০ ল’ৰাৰ বিপৰীতে ৮৮৯ জনী ছোৱালী! এই বৈষম্যৰ মাত্ৰ এটাই কাৰণ আছে। সেয়া হৈছে কন্যা ভ্ৰূণ হত্যা। আৰু এই বৈষম্যৰ বাবে চৰকাৰ দায়ী।‘’
