ভাৰতৰ পৰা অস্কাৰৰ বাবে মনোনীত হৈছে মালয়ালম চলচ্চিত্ৰ ‘২০১৮’। চিনেমাখনৰ ইংৰাজী শিৰোনাম হৈছে ‘Everyone in a Hero’। ২০১৮ চনৰ বানপানীৰ কাহিনীৰ আধাৰত নিৰ্মিত হৈছে এই ছবিখন।
ছবিখনৰ পৰিচালক হৈছে এন্থনী জোচেফ। চিনেমাখনত অভিনয় কৰিছে টভিনো থমাছ, কুনচাকো বোবান, আছিফ আলী, বিনীথ শ্ৰীনিবাসন, অপৰ্ণা বালামুৰালীকে আদি কৰি শিল্পী সকলে।
চলিত বৰ্ষৰ মে’ মাহত মুক্তি লাভ কৰিছিল ‘২০১৮’ ছবিখন। এইখন আছিল সৰ্বকালৰ সৰ্বাধিক উপাৰ্জন কৰা মালয়ালম চিনেমা।
লগতে পঢ়ক: কন্যাৰ বিয়াৰ বাবে বেংকৰ লকাৰত ৰাখিছিল মাতৃয়ে; উঁই পোকে খাই পেলালে গোটেই ১৮ লাখ টকা
ভাৰতৰ বাছনি সমিতিৰ অধ্যক্ষ গিৰীশ কাছাৰৱল্লীয়ে কয় যে জলবায়ু পৰিৱৰ্তনৰ ওপৰত নিৰ্মিত মালয়ালম ছবিখন এইবাৰৰ অস্কাৰৰ বাবে মনোনীত কৰা হৈছে।
‘২০১৮’ ছবিখনে শ্ৰেষ্ঠ আন্তঃৰাষ্ট্ৰীয় কাহিনী ছবি শাখাত অস্কাৰৰ বাবে যুঁজ দিব।
