বোকাখাটত সংঘটিত হৈছে এক নৃশংস হত্যাকাণ্ড। পত্নীক হত্যা কৰি পাঁচ বছৰীয়া সন্তানক লৈ পলায়ন কৰাৰ অভিযোগ উত্থাপন হৈছে ডিম্বেশ্বৰ গগৈ নামৰ এজন ব্যক্তিৰ বিৰুদ্ধে। ইতিমধ্যে গগৈয়ে বোকাখাট থানাত আত্মসমৰ্পন কৰিছে।
বোকাখাতৰ কঠাকলীৰ বাসিন্দা ডিম্বেচৰ গগৈয়ে টুবুকী গ্ৰাণ্টৰ ৰমলা কোঁৱৰৰ সৈতে বিবাহপাশত আবদ্ধ হৈ নগাঁৱৰ কঠিয়াতলিত বাস কৰিছিল।
মঙলবাৰে পত্নীক হত্যা কৰি তেওঁ সন্তানৰ সৈতে বোকাখাতলৈ পলায়ন কৰে।
বুধবাৰে নিশা সংশ্লিষ্ট আত্মীয়ই পচি যোৱা মৃতদেহটো আৱিষ্কাৰ নকৰালৈকে দুদিন ঘৰৰ ভিতৰতে আছিল ৰমলাৰ মৃতদেহ। সেই নিশাই ঘটনাস্থলীত উপস্থিত হয় আৰক্ষী।
আত্মসমৰ্পণৰ পিছত জেৰাৰ সময়ত গগৈয়ে বিবাহ বহিৰ্ভূত প্ৰেমৰ বাবে পত্নীক হত্যা কৰাৰ কথা স্বীকাৰ কৰা বুলি জানিব পৰা গৈছে। বোকাখাত আৰক্ষীয়ে নিশ্চিত কৰিছে যে ডিম্বেশ্বৰ গগৈক অধিক তদন্ত আৰু আইনী ব্যৱস্থাৰ বাবে নগাঁও আৰক্ষীক গতাই দিয়া হ’ব।
