Man after receives almost 2 crore payment for no reason প্ৰথম দেখিয়েই চকু কপালত! হঠাতে তেওঁ দেখিলে যে গুগলৰ পৰা কেইবা কোটি টকা একাউণ্টত সোমাইছে! যিটো দেখি স্বাভাৱিকভাৱে এজন ব্যক্তিৰ ‘বুকুৰ ঢপঢপনি’বাঢ়ি গ’ল। টকাৰ পৰিমাণ প্ৰায় ২ লাখ ৫০ হাজাৰ ডলাৰ। ভাৰতীয় মুদ্ৰাত প্ৰায় ২ কোটি টকা।
কিন্তু আমেৰিকাৰ এই লোকজনে বুজিব নোৱাৰিলে যে গুগলে হঠাতে কিয় তেওঁলৈ ইমান টকা পঠিয়ালে।
আমেৰিকাৰ ওমাহা প্ৰদেশৰ ছেম কাৰি নামৰ মানুহজনে একেলগে ইমান টকা পোৱাৰ পিছত অলপ নাৰ্ভাছ হৈ পৰিছিল। তেওঁ যোৱা বুধবাৰে এনেদৰে টকা পোৱাৰ এই কাহিনীটো টুইট কৰিছে। অৱশ্যে তেওঁ ইমান টকা পাই সুখী হোৱা নাছিল। ইয়াৰ পৰিৱৰ্তে তেওঁ চিন্তাহে বৃদ্ধি পায়। সেয়ে ছেমে তাৰ এটা পইচাও খৰচ কৰা নাছিল।
টুইটত তেওঁ লিখে,”গুগলে মোলৈ ২,৪৯,০০০ ডলাৰ প্ৰেৰণ কৰাৰ তিনি সপ্তাহৰো অধিক সময় হ’ল। গুগলৰ সৈতে যোগাযোগ কৰাৰ কোনো উপায় আছে নেকি?”
তেওঁ লগতে লিখে যে যদি গুগলে টকা ঘূৰাই বিচাৰে তেন্তে তাত কোনো সমস্যা নাই।
বাতৰি অনুসৰি, ছেমে ‘বাগ বাউন্টি হাণ্টাৰ’ হিচাপে কাম কৰে। গুগলৰ দৰে বিভিন্ন কোম্পানীত ছেমে ছফ্টৱেৰটোত সুৰক্ষাৰ ত্ৰুটি আছে নেকি বিচাৰি উলিওৱাৰ কাম কৰে। কিন্তু তেওঁ কয় যে তেওঁৰ এই অপ্ৰত্যাশিত ধন প্ৰাপ্তিৰ আঁৰত এই কামৰ সৈতে কোনো সম্পৰ্ক নাই।
It's been a little over 3 weeks since Google randomly sent me $249,999 and I still haven't heard anything on the support ticket. Is there any way we could get in touch @Google?
(it's OK if you don't want it back…) pic.twitter.com/t6f7v5erli
— Sam Curry (@samwcyo) September 14, 2022
এক সাক্ষাৎকাৰত ছেমে কৈছে যে তেওঁ টকাখিনি তেওঁৰ লগত ৰাখিছে। কিয়নো যদি গুগলে ইয়াক ঘূৰাই বিচাৰে তেন্তে তেওঁ ইয়াক ঘূৰাই দিব। যদি গুগলে তেওঁৰ টুইটৰ সঁহাৰি নিদিয়ে, তেন্তে টকাখিনি আন এটা একাউণ্টত ৰাখিব যাতে তেওঁ ইয়াৰ বাবে কৰ পৰিশোধ কৰিব নালাগে।
ইপিনে, ঘটনাটো পোহৰলৈ অহাৰ পিছত গুগল তৎপৰ হৈ পৰে। গুগল কৰ্তৃপক্ষই কয় যে তেওঁলোকে ভুলবশতঃ ব্যক্তিজনৰ একাউণ্টলৈ টকা প্ৰেৰণ কৰিছিল।
কোম্পানীটোৰ এজন মুখপাত্ৰই কয়,”ভুলবশতঃ আমি ব্যক্তিজনৰ একাউণ্টলৈ টকা প্ৰেৰণ কৰিছিলো। বিষয়টো সোনকালে সদৰী কৰাৰ বাবে ব্যক্তিজনক প্ৰশংসা কৰো। আমি ভুলটো সংশোধন কৰি ল’ম।‘’ গুগলে লগতে এইটোও স্পষ্ট কৰিছে যে টকাখিনি ছেমৰ পৰা ঘূৰাই লোৱা হ’ব।
