বোকাখাতৰ সাপেখাতী গাওঁৰ বাসিন্দা লফাই কাৰ্ডঙৰ সৰ্প দংশনত মৃত্যু হয় ৷ বোকাখাতৰ ধনশিৰিমুখৰ সমীপৰ চহলা চাপৰিত কৰ্মৰত অৱস্থাত বুধবাৰৰ দিনা বিয়লি বিষাক্ত সৰ্পই দংশন কৰে লফাই কাৰ্ডং নামৰ লোক জনক ৷
সৰ্প দংশনৰ পিছতেই লফাই কাৰ্ডং নিজেই আহি বাসগৃহত উপস্থিত হৈ চিকিৎসাৰ ব্যৱস্থা কৰিবলৈ পৰিয়লৰ সদস্যক জনায়৷
পৰিয়ালৰ লোকে তাৎক্ষনিকভাৱে লফাই কাৰ্ডঙক বোকাখাতৰ অসামৰিক চিকিৎসালয়লৈ আনে যদিও চিকিৎসালয়খনত সৰ্পদংশনৰ চিকিৎসাৰ বাবে প্ৰয়োজনীয় এন্টিভেনম নাই বুলি লফাই কাৰ্ডঙক যোৰহাট চিকিৎসা মহাবিদ্যালয়লৈ প্ৰেৰণ কৰে বোকাখাতৰ চিকিৎসকে ৷
বুধবাৰৰ নিশাই লফাই কাৰ্ডংক যোৰহাট চিকিৎসা মহাবিদ্যালয়লত ভৰ্তি কৰা হয় যদিও এন্টি ভেনমৰ অভাৱতেই লফাই কাৰ্ডংৰ মৃত্যু হয় ৷
ইপিনে, বোকাখাতৰ পৰা লফাই কাৰ্ডঙক যোৰহাটলৈ নিবৰ বাবে এম্বুলেঞ্চ বিচাৰিও বিমুখ হোৱা বুলি অভিযোগ দিয়ে পৰিয়ালৰ লোকে ৷
সৰ্প দংশনত লফাই কাৰ্ডঙৰ মৃত্যুৰ পিছতেই বোকাখাতৰ দৰে মহকুমা সদৰত সৰ্প দংশনৰ বাবে প্ৰয়োজনীয় এন্টি ভেনম অসামৰিক চিকিৎসালয়ত পৰ্যাপ্ত পৰিমানে মজুত ৰাখিবৰ বাবে দাবী জনাইছে বিভিন্ন দল-সংগঠনে ৷
