Manish Sisodia claims he got an offer দিল্লীৰ উপ মুখ্যমন্ত্ৰী মনীষ চিছোদিয়াই এক বিস্ফোৰক অভিযোগ উত্থাপন কৰিছে। সোমবাৰে তেওঁ কয় যে তেওঁ ফোনত এটা মেচেজ পাইছে যে যদি তেওঁ আম আদমী পাৰ্টি এৰি বিজেপিত যোগদান কৰে, তেন্তে তেওঁৰ বিৰুদ্ধে ইডি আৰু চিবিআইৰ সকলো গোচৰ বন্ধ কৰা হ’ব। চিছোদিয়াই এই মেচেজৰ বিষয়ে উল্লেখ কৰি এটা টুইট কৰিছে।
আবকাৰী নীতি প্ৰস্তুত কৰোতে দুৰ্নীতিৰ অভিযোগত চিছোদিয়াৰ বিৰুদ্ধে চিবিআইয়ে তদন্ত কৰি আছে। তেওঁলোকে বৃহস্পতিবাৰে দিল্লীৰ উপ মুখ্যমন্ত্ৰীগৰাকীৰ ঘৰত ১৫ ঘণ্টা ধৰি তালাচী চলায়।
লগতে পঢ়ক: বিহাৰৰ মুখ্যমন্ত্ৰী নীতিশ কুমাৰৰ কনভয়ত আক্ৰমণ; শিলগুটি নিক্ষেপ, লাঠিৰে কোবাই ভাঙিলে গাড়ী
চিছোদিয়াই দাবী কৰিছে যে তদন্তকাৰী সংস্থাটোৱে তালাচী চলাইও একো বিচাৰি পোৱা নাই।
আনহাতে, তেওঁ টুইট কৰি লিখিছে, “মই বিজেপিৰ পৰা এটা মেচেজ পাইছো – আপ এৰি বিজেপিত যোগদান কৰক। আমি চিবিআই আৰু ইডিৰ সকলো গোচৰ বন্ধ কৰি দিম।‘’
দিল্লীৰ উপ মুখ্যমন্ত্ৰী ছিছোদিয়াই লগতে লিখিছে, “বিজেপিৰ প্ৰতি মোৰ উত্তৰ হৈছে যে মই এজন ৰাজপুত মহাৰাণা প্ৰতাপৰ বংশধৰ। মই মোৰ মূৰ কাটি পেলাম, কিন্তু মই দুৰ্নীতিগ্ৰস্ত-ষড়যন্ত্ৰকাৰীসকলৰ সন্মুখত মূৰ নোদোৱাও। মোৰ বিৰুদ্ধে থকা সকলো গোচৰ মিছা। যি কৰে কৰক।‘’
मेरे पास भाजपा का संदेश आया है- “आप” तोड़कर भाजपा में आ जाओ, सारे CBI ED के केस बंद करवा देंगे
मेरा भाजपा को जवाब- मैं महाराणा प्रताप का वंशज हूँ, राजपूत हूँ। सर कटा लूँगा लेकिन भ्रष्टाचारियो-षड्यंत्रकारियोंके सामने झुकूँगा नहीं। मेरे ख़िलाफ़ सारे केस झूठे हैं।जो करना है कर लो
— Manish Sisodia (@msisodia) August 22, 2022
চিবিআইয়ে দেওবাৰে চিছোদিয়াৰ নামত ‘লুক আউট’ জাননী জাৰি কৰিছিল। তাকে লৈ প্ৰধানমন্ত্ৰী নৰেন্দ্ৰ মোদীক সমালোচনা কৰি চিছোদিয়াই কয়, “মোডীজী এয়া আকৌ কি নাটক? আপুনি মোক বিচাৰি পোৱা নাই নেকি?”
आपकी सारी रेड फैल हो गयी, कुछ नहीं मिला, एक पैसे की हेरा फेरी नहीं मिली, अब आपने लुक आउट नोटिस जारी किया है कि मनीष सिसोदिया मिल नहीं रहा। ये क्या नौटंकी है मोदी जी?
मैं खुलेआम दिल्ली में घूम रहा हूँ, बताइए कहाँ आना है? आपको मैं मिल नहीं रहा?— Manish Sisodia (@msisodia) August 21, 2022
উল্লেখ্য যে চিছোদিয়া ৰাজনৈতিক প্ৰচাৰৰ উদ্দেশ্যেৰে অৰবিন্দ কেজৰিৱালৰ সৈতে গুজৰাটলৈ গৈছে। চিবিআইৰ অভিযানৰ পিছত তেওঁ প্ৰথমবাৰৰ বাবে দিল্লীৰ বাহিৰত ওলাইছে।
