ড্ৰাগছ সৰবৰাহৰ বিৰুদ্ধে বৃ্হৎ সাফল্য অসম আৰক্ষী। দক্ষিণ শালমৰা মানকাচৰ জিলাৰ মানকাচৰ আৰক্ষীয়ে শনিবাৰে পৰিকল্পিত অভিযানত ১২ হাজাৰৰো অধিক য়াবা(YABA) টেবলেট জব্দ কৰে। চোৰাংচোৱাৰ তথ্যৰ ভিত্তিত এছ আই পূজা হাজৰিকা আৰু নয়নজ্যোতি গগৈৰ সৈতে পৰিদৰ্শক দীপক বৰগাৰীৰ নেতৃত্বত এটা আৰক্ষীৰ দলে ২ নং গাঁও পুবেৰগাঁও (শান্তিপুৰ)ৰ ৫৫ বছৰীয়া আমিৰুল ইছলামৰ বাসগৃহত অভিযান চলায়।
এই অনুসন্ধানৰ ফলত ১২ হাজাৰ কমলা ৰঙৰ য়াবা টেবলেট উদ্ধাৰ কৰে। ঘৰুৱা বজাৰত আনুমানিক মূল্য ৬০ লাখ টকা, আৰু আন্তঃৰাষ্ট্ৰীয় বজাৰত মূল্য ২.৪ কোটি টকা।
নিচাযুক্ত দ্ৰব্যৰ উপৰিও নগদ ২৮,৫০০ টকা আৰু এটা Realme C-63 5G স্মাৰ্টফোন জব্দ কৰে আৰক্ষীয়ে। অভিযানৰ সময়ত আটক কৰি ৰখা আমিৰুল ইছলাম বহু বছৰ ধৰি ড্ৰাগছ সৰবৰাহৰ লগত জড়িত হৈ থকা বুলি জানিব পৰা গৈছে। জেৰাৰ সময়ত নিচাযুক্ত দ্ৰব্যৰ আন এজন সৰ্বৰাহকাৰী আশ্ৰফ আলীক কুছনিমাৰাৰপৰা আশ্ৰাফ আলীক গ্ৰেপ্তাৰ কৰে। দুয়োজন ব্যক্তি এতিয়া আৰক্ষীৰ জিম্মাত, মানকাচৰ পি এছ জি ডি ই নং ০৯ তাৰিখ ০৫/০৪/২ৰ অধীনতগচ্পৰ ৰুজ কৰা হৈছে।
