Golaghat meeting: গোলাঘাট জিলাৰ উপায়ুক্তৰ কাৰ্য্যালয়ৰ সভাকক্ষত গোলাঘাট জিলা অসামৰিক প্ৰতিৰক্ষা বিভাগৰ নৱনিযুক্ত ৱাৰ্ডেনসকলৰ এখন সভা অনুষ্ঠিত হৈ যায়। ।
জিলা উপায়ুক্ত শ্ৰী মৃগেশ নাৰায়ণ বৰুৱাৰ সভাপতিত্বত অনুষ্ঠিত সভাত জিলা অসামৰিক প্ৰতিৰক্ষা বিভাগৰ অধীনত স্বেচ্ছামূলকভাৱে নিযুক্তি লাভ কৰা ২৭ গৰাকী ৱাৰ্ডেনক জিলা প্ৰশাসনৰ তৰফৰ পৰা অভিনন্দন জ্ঞাপন কৰা হয় ।
উপায়ুক্তগৰাকীয়ে বিনা বেতনে ত্যাগৰ মনোভাৱেৰে সেৱা আগবঢ়াবলৈ অহা ৱাৰ্ডেনসকলক অনাগত যিকোনো দুৰ্যোগৰ সময়ত জিলাবাসীলৈ সহায়ৰ হাত আগবঢ়াব পৰাকৈ সাজু হৈ থাকিবলৈ আহ্বান জনায় ।
Also read : Tamulpur search operation: চোৰাং বিদ্যুৎ সংযোগৰ বিৰুদ্ধে বিদ্যুৎ উপ সংমণ্ডলৰ অভিযান
তেওঁ ৱাৰ্ডেনসকলে এইদৰে সেৱা আগবঢ়াবলৈ অহাটো নিঃসন্দেহে প্ৰশংসাৰ যোগ্য বুলি মত প্ৰকাশ কৰে ।
ইয়াৰ পূৰ্বে অসামৰিক প্ৰতিৰক্ষা বিভাগৰ উপ নিয়ন্ত্ৰক শ্ৰী সীমান্ত শৰ্মাই সভাৰ উদ্দেশ্য ব্যাখ্যা কৰে ।
সভাত অতিৰিক্ত উপায়ুক্ত শ্ৰী কুলদীপ হাজৰিকাৰ লগতে নৱনিযুক্ত ৱাৰ্ডেনসকল উপস্থিত আছিল ।
