দুজন পুৰুষৰ পৰা সন্তান জন্মৰ প্ৰক্ৰিয়াটোক এণ্ড্ৰ’জেনেছিছ বোলা হয়। পৰীক্ষাগাৰত দুটা মতা এন্দুৰৰ পৰা পূৰ্বেও এন্দুৰ জন্ম দিয়া সম্ভৱ হৈছিল, কিন্তু সেই এন্দুৰবোৰে নিজে সন্তান জন্ম দিব পৰা নাছিল। এইবাৰ সেই অসম্ভৱ কামটো সম্ভৱ হৈ উঠিছে। চীনৰ চাংহাই জিয়াও টং বিশ্ববিদ্যালয়ৰ বিজ্ঞানীসকলে এই বাধা অতিক্ৰম কৰি দুটা মতা এন্দুৰৰ পৰা প্ৰজনন ক্ষমতাসম্পন্ন সুস্থ এন্দুৰ জন্ম দিবলৈ সক্ষ্ম হৈছে। তেওঁলোকৰ গৱেষণা পত্ৰ ২৫ জুনত পিএনএএছ আলোচনীত প্ৰকাশিত হৈছে।
দুজন পুৰুষৰ পৰা সন্তান জন্মৰ প্ৰক্ৰিয়াটোক এণ্ড্ৰ’জেনেছিছ বোলা হয়। পৰীক্ষাগাৰত দুটা মতা এন্দুৰৰ পৰা পূৰ্বেও এন্দুৰ জন্ম দিয়া সম্ভৱ হৈছিল, কিন্তু সেই এন্দুৰবোৰে নিজে সন্তান জন্ম দিব পৰা নাছিল। এইবাৰ সেই অসম্ভৱ কামটো সম্ভৱ হৈ উঠিছে।
প্ৰক্ৰিয়াটোত বিজ্ঞানীসকলে দুটা মতা এন্দুৰৰ শুক্ৰাণু সংগ্ৰহ কৰি নিউক্লিয়াছ আঁতৰোৱা মাইকী এন্দুৰৰ দিম্বাণুৰ নিষেচন কৰিছিল। ২৫৯টা ভ্ৰূণৰ ভিতৰত মাত্ৰ তিনিটা জন্মগ্ৰহণ কৰিছিল, আৰু তাৰে দুটা প্ৰাপ্তবয়স্ক হৈ সুস্থ সন্তান জন্ম দিছিল।
কল্যাণীৰ নেচনেল ইনষ্টিটিউট অৱ বায়’মেডিকেল জিনমিক্সৰ অধ্যাপক পাৰ্থপ্ৰতীম মজুমদাৰে কয়, “এই প্ৰক্ৰিয়া স্বাভাৱিক নহয়। দিম্বাণুৰ নিউক্লিয়াছ আঁতৰোৱা হৈছে, কিন্তু চাইট’প্লাজমৰ মাইট’কণ্ড্ৰিয়া মাতৃৰ পৰা আহে।”
বিজ্ঞানীসকলে স্বীকাৰ কৰে যে প্ৰক্ৰিয়াটোৰ সফলতাৰ হাৰ কম (২৫৯:৩)। মানুহৰ ক্ষেত্ৰত এই প্ৰযুক্তি প্ৰয়োগৰ কথা ভৱিষ্যতৰ বিষয়। বৰ্তমান গৱেষকসকল এন্দুৰৰ ক্ষেত্ৰত প্ৰক্ৰিয়াটোৰ উন্নতিৰ ওপৰত গুৰুত্ব দিছে। গৱেষণা পত্ৰত কোৱা হৈছে, “এই আৱিষ্কাৰ স্তন্যপায়ী প্ৰাণীৰ এণ্ড্ৰ’জেনেছিছৰ ক্ষেত্ৰত গুৰুত্বপূৰ্ণ পদক্ষেপ।”
এই পৰীক্ষাৰ জটিলতা আৰু কম সফলতাৰ হাৰৰ বাবে মানুহৰ ক্ষেত্ৰত প্ৰয়োগৰ সম্ভাৱনা এতিয়াও বহু দূৰৈৰ কথা। তথাপি, এই সফলতাই ভৱিষ্যতৰ সম্ভাৱনাৰ দুৱাৰ মুকলি কৰিছে।
