মিজোৰামত দ্বিতীয়জন কোভিড-১৯ পজিটিভ ৰোগী চিনাক্ত
প্ৰতিনিধিত্বমূলক ফটো
মিজোৰামত দ্বিতীয়জন কোভিড-১৯ পজিটিভ ৰোগী চিনাক্ত কৰা হৈছে।
সোমবাৰে ৰাজ্যখনত দ্বিতীয়জন কোভিড-১৯ পজিটিভ ৰোগীৰ ঘটনা পোহৰলৈ আহে।
মুম্বাইত এগৰাকী ২৬ বছৰীয়া মহিলাৰ দেহত মাৰাত্মক এই ভাইৰাছৰ পৰীক্ষাত পজিটিভ ধৰা পৰে।
মিজোৰামৰ মুখ্য সচিব লালনুনমাওৱিয়া চুৱাৱংগুৱে এই কথা জানিবলৈ দিয়ে।
মুখ্য সচিবগৰাকীয়ে লগতে কয় যে ৰোগীগৰাকীৰ আইছ’লেশ্যন প্ৰক্ৰিয়া আৰম্ভ কৰা হৈছে আৰু তেওঁৰ মুম্বাইৰ এখন হাস্পাতালত চিকিৎসা চলাই থকা হৈছে।
ইয়াৰ মাজতে, মিজোৰামত কৰ’না ভাইৰাছৰ সংক্ৰমণৰ শংকালৈ চাই ৩০ এপ্ৰিললৈকে লকডাউন বৃদ্ধি কৰা হৈছিল।
অৱশ্যে, প্ৰধান মন্ত্ৰী নৰেন্দ্ৰ মোদীয়ে আজি অহা ৩ মে’লৈ ৰাষ্ট্ৰজোৰা লকডাউনৰ ম্যাদ বৃদ্ধিৰ কথা ঘোষণা কৰে।