কোভিড-১৯ ৰোগীৰ সংস্পৰ্শলৈ অহা মৰিগাঁৱৰ উপায়ুক্ত, আৰক্ষী অধীক্ষকক কোৱাৰেন্টাইনলৈ প্ৰেৰণ

মৰিগাঁৱৰ উপায়ুক্ত ঋতুৰাজ বৰা আৰু আৰক্ষী অধীক্ষক স্ব্ননীল ডেকাক কোভিড-১৯ ৰোগীৰ সংস্পৰ্শলৈ অহাৰ বাবে কোৱাৰেন্টাইনত ৰখা হৈছে।

মৰিগাঁও জিলাৰ উপায়ুক্ত আৰু আৰক্ষী অধীক্ষকৰ উপৰিও একাংশ সাংবাদিককো কোৱাৰেন্টাইনত ৰখা হৈছে।

ৰাজ্যখনৰ এগৰাকী জ্যেষ্ঠ সাংবাদিক অতনু ভূঞাইও তেওঁৰ টুইটাৰত এই বাতৰি প্ৰকাশ কৰিছে।

এই তথ্য প্ৰকাস কৰি ভূঞাই টুইট কৰিছে: ‘’মৰিগাঁৱৰ উপায়ুক্ত আৰু আৰক্ষী অধীক্ষকক কোভিড-১৯ ৰোগীৰ সংস্পৰ্শলৈ অহাৰ বাবে কোৱাৰেন্টাইনলৈ প্ৰেৰণ কৰা হৈছে। একাংশ সাংবাদিককো কোৱাৰেন্টাইনলৈ প্ৰেৰণ কৰা হৈছে।‘’

BIG BREAKING:
Marigaon DC and SP sent to quarantine as they came in contact with Covid19 patients. Some local journalists also sent to quarantine @himantabiswa #Covid_19

— atanu bhuyan (@atanubhuyan) April 16, 2020

আনহাতে, স্বাস্থ্য মন্ত্ৰী হিমন্ত বিশ্ব শৰ্মাই বা স্বাস্থ্য বিভাগে এতিয়াও এই বিষয়ত কোনো বিবৃতি প্ৰকাশ কৰা নাই।

বৃহস্পতিবাৰে মৰিগাঁও জিলাত দুগৰাকী কোভিড-১৯ ৰোগী চিনাক্ত হোৱাৰ পাছতে এই বাতৰি আহিছে।বৃহস্পতিবাৰে সন্ধিয়া স্বাস্থ্য মন্ত্ৰী হিমন্ত বিশ্ব শৰ্মাই কৈছিল যে উক্ত  কোভিড-১৯ পজিটিভ লোক দুজন দিল্লীৰ নিজামুদ্দিন মাৰ্কাজৰ ধৰ্মীয় সমাৱেশত উপস্থিত থকা লোকৰ সংস্পৰ্শলৈ আহিছিল।

জানিব পৰা মতে, লাহৰী ঘাটৰ ক’ৰ’না আক্ৰান্ত ব্যক্তিৰ সংস্পৰ্শলৈ আহিছিল আৰক্ষী অধীক্ষক আৰু উপায়ুক্ত গৰাকীয়ে।

৩১ মাৰ্চত ভূৰাগাঁৱত আৰক্ষী অধীক্ষক আৰু উপাযুক্ত গৰাকীয়ে ক’ৰ’না আক্ৰান্ত ব্যক্তি গৰাকীক লগ পাইছিল ৷

দুয়ো গৰাকী শীৰ্ষস্থানীয় বিষয়াই কোৱাৰেন্টাইনত থাকিলেও কাম কৰি যাব কিন্তু বাহিৰলৈ ওলাই নাযায় ৷

মন্ত্ৰীগৰাকীয়ে, অৱশ্যে নিশ্চিত কৰিছে যে ৰাজ্যখনৰ পাঁচগৰাকী কোভিড-১৯ পজিটিভ ৰোগী সুস্থ হৈ উঠিছে।

বৰ্তমান অসমত মুঠ কোভিড-১৯ পজিটিভ ৰোগীৰ সংখ্যা ৩৪ জন হ’লগৈ। ইয়াৰে ৫জন ৰোগীক সুস্থ হোৱাৰ পাছত চিকিৎসালয়ৰ পৰা যাব দিয়া হৈছে।