অসম চুক্তিক ৰূপায়ন নকৰাকৈ অসমীয়াৰ আহ্বানক গুৰুত্ব নিদি কেন্দ্ৰ চৰকাৰে নাগৰিকত্ব সংশোধনী বিধেয়কক আইনত পৰিণত কৰাৰ ফলত অসমত তীব্ৰ প্ৰতিবাদ হৈছে বুলি মন্তব্য কৰিছে কোকৰাঝাৰৰ সাংসদ নৱ শৰণীয়াই।
সদৌ অসম ছাত্ৰ সন্থাৰ লগতে বিভিন্ন আঞ্চলিক আৰু জনজাতীয় সংগঠনৰ নেতৃত্বত চলি থকা আন্দোলনক স্বাভাৱিক আখ্যা দিয়ে সাংসদ গৰাকীয়ে।
আনহাতে, কেন্দ্ৰ চৰকাৰক শীঘ্ৰে অসমক আন্তঃৰাজ্যিক পাৰপত্ৰ প্ৰদান কৰি নাগৰিকত্ব (সংশোধনী) আইন,২০১৯ৰ বাহিৰত ৰাখিব লাগে বুলি কয়।
নিজে সুদীৰ্ঘ ২৫ বছৰ কাল আলফাত থকা বুলি উল্লেখ কৰি সাংসদ শৰণীয়াই অসম আৰক্ষীক ভাতৃ আখ্যা দি অসম আৰক্ষীক প্ৰতিবাদকাৰীক আক্ৰমণ নকৰিবলৈও আহ্বান জনায়।
তদুপৰি, আলফা সন্দৰ্ভত মত ব্যক্ত কৰি শৰণীয়াই পূৰ্বে আলফা শক্তিশালী আছিল যদিও বৰ্তমান আলফা দুৰ্বল হৈ পৰিছে বুলিও কয়।
