মুম্বাই চিটি এফ চিৰ সৈতে দুবছৰৰ বাবে চুক্তিবদ্ধ হৈছে মণিপুৰৰ ডিফেণ্ডাৰ টণ্ডোনবা সিং।
নেৰোকা এফ চিৰ সৈতে নিজৰ ফুটবল কেৰিয়াৰ আৰম্ভ কৰা টণ্ডোনবা সিঙে পৰৱৰ্তী সময়ত মণিপুৰ ছিনিয়ৰ দলত খেলাৰ সুযোগ লাভ কৰে।
২০১৬-১৭ বৰ্ষৰ আই লীগৰ দ্বিতীয় সংস্কৰণত টণ্ডোনবা সিঙে নিজ দলৰ হৈ যথেষ্ট প্ৰভাৱ বিস্তাৰ কৰিবলৈ সক্ষম হৈছিল।
বিগত দুটা বৰ্ষৰ আই এছ এলত টণ্ডোনবা সিঙে চেন্নাই এফ চিৰ হৈ মুঠ ২৬ খেলত অংশগ্ৰহণ কৰিছিল।
‘‘এয়া মোৰ ফুটবল কেৰিয়াৰৰ নতুন অধ্যায় আৰু মই মুম্বাই চিটি এফ চিৰ সৈতে খেলাৰ বাবে উগ্ৰীৱ হৈ আছো,’’ মণিপুৰী ডিফেণ্ডাৰ গৰাকীয়ে এইদৰে কয়।
মই বিগত দুটা বছৰ ধৰি আই এছ এলত অংশগ্ৰহণ কৰি আহিছো কিন্তু চলিত বৰ্ষত মুম্বাই চিটি এফ চিৰ হৈ মোৰ নতুন যাত্ৰা আৰম্ভ হ’ব’’ টণ্ডোনবা সিঙে লগতে কয়।
মুম্বাই চিটি এফ চিৰ প্ৰশিক্ষক চাৰ্জিঅ’ ল’বেৰাই টণ্ডোনবা সিঙক প্ৰশংসা কৰি টণ্ডোবাক এগৰাকী প্ৰতিভাশালী ফুটবলাৰ হিচাপে অভিহিত কৰে।
ল’বেৰাই সিঙক প্ৰশংসা কৰি কয় যে, টণ্ডোনবাই দুটা বছৰ আই এছ এলত খেলিছে আৰু তেওঁৰ অভিজ্ঞতাই মুম্বাইক সহায় কৰিব।
