ভাৰতৰ মাটিত দুৰ্ঘটনাগ্ৰস্ত হৈছে চুবুৰীয়া দেশৰ এখন সামৰিক বিমান। কোৱা হৈছে যে বিমানখনত ১৪ জন যাত্ৰী আছিল। বিমানখন ম্যানমাৰৰ সেনাৰ বুলি কোৱা হৈছে।
বাতৰি অনুসৰি, আজি পুৱা প্ৰায় ১১ বজাত মিজোৰামৰ লাংপুই বিমানবন্দৰত সংঘটিত হয় এই দুৰ্ঘটনা। ইফালে বিমানখনৰ যাত্ৰীসকলৰ ভিতৰত ৬জন লোক আহত হোৱা বুলি জানিব পৰা গৈছে।
মিজোৰামৰ ডিজিপিয়ে জনোৱা মতে, আহতসকলক লেংপুই হাস্পতালত ভৰ্তি কৰোৱা হৈছে। প্ৰথম অৱস্থাত কেইবাটাও বাতৰিত দাবী কৰা হৈছিল যে বিমানখন বিমানবন্দৰত অৱতৰণ কৰাৰ সময়ত পিছলি গৈ নিয়ন্ত্ৰণ হেৰুৱাইছিল।
#Mizoram| Six people were injured after a plane from the Myanmar Army crashed after it overshot the Lengpui airport in Mizoram. As many as 14 people were on board with the pilot. The injured were admitted to Lengpui Hospital informs DGP Mizoram. pic.twitter.com/BtrmgizBOb
— Pooja Mehta (@pooja_news) January 23, 2024
শেহতীয়াকৈ ম্যানমাৰৰ বিদ্ৰোহীৰ আক্ৰমণত ম্যানমাৰৰ সেনাই সীমান্ত পাৰ হৈ ভাৰতত অনুপ্ৰৱেশ কৰি আহিছে। ইয়াৰ ভিতৰত ভাৰতে ম্যানমাৰৰ ১৮৪জন সেনা সদস্যক ঘূৰাই নিবলৈ নিৰ্দেশ দিছে। বিমানখনে ইয়াৰে কেইজনমানক উদ্ধাৰ কৰি ঘূৰাই নিবলৈ মিজোৰামলৈ আহিছিল।
