এতিয়ালৈ ম্যানমাৰত নিহত হোৱা লোকৰ সংখ্যাই ১০০০ ৰো অতিক্ৰম কৰিছে। ইয়াৰ উপৰিও ধ্বংসাৱশেষতো অনেক লোক আৱদ্ধ হৈ থকা বুলি অনুমান কৰা হৈছে। এতিয়াও উদ্ধাৰকাৰীয়ে আহত আৰু নিহতসকলক উদ্ধাৰৰ বাবে অভিযান চলাই আছে।
উল্লেখ্য যে ৭.৭ ৰিখটাৰ স্কেলত অহা ভূমিকম্পৰ পিছত ৬.৪ ৰিখটাৰ স্কেলত হোৱা আফটাৰশ্বকত ম্যানমাৰৰ কেইবাখনো চহৰৰ অট্টালিকা আৰু দলং খহি পৰে। যাৰ ফলত অস্বাভাৱিক হাৰত মানুহৰ মৃত্যু হয়।
ঠিক ম্যানমাৰৰ লগতে চুবুৰীয়া ৰাষ্ট্ৰ থাইলেণ্ডতো এই ভূমিকম্প অনুভৱ কৰা হয়।
থাইলেণ্ডলতো এটা অট্টালিকা ভাঙি পৰাৰ ফলত ১১৭ জনতকৈ অধিক লোক আবদ্ধ হৈ পৰে আৰু ৮ জন লোকৰ মৃত্যু হয়। জানিব পৰা মতে, থাইলেণ্ড চৰকাৰে এই পৰিস্থিতিৰে মোকাবিলা কৰিবলৈ দুদিনৰ বাবে ৰাষ্ট্ৰীয় জৰুৰীকালিন অৱস্থাৰ ঘোষণা কৰিছে।
