মৃত্যু হোৱা ১২৮ বছৰৰ পিছত সমাধিস্থ কৰা হৈছে এটা চোৰৰ মৃতদেহ।
১৮৯৫ চনত কাৰাগাৰৰ ভিতৰতে মৃত্যু হৈছিল চুৰিৰ অভিযোগত কাৰাৰুদ্ধ হৈ থকা জেনছ নাৰকি জনমেন উইলি নামৰ ব্যক্তিজনৰ।
মৃতদেহ চমজি ল’বলৈ কোনো আত্মীয় আগবাঢ়ি নহাৰ বাবে বিগত ১৩ টা দশক ধৰি সমাধিস্থ কৰা হোৱা নাছিল উইলিৰ মৃতদেহ।
এই ঘটনা আমেৰিকাৰ পেনছিলভেনিয়াৰ। শনিবাৰে তেখেতৰ ১২৮ বছৰে সংৰক্ষণ কৰি থোৱা মৃতদেহটো সমাধিস্থ কৰিবলৈ ওলোৱাৰ খবৰ লাভ কৰাৰ পিছতে মৃতদেহটো চাবলৈ ভিৰ কৰিছিল হাজাৰ হাজাৰ আমেৰিকান নাগৰিকে।
উল্লেখ্য যে উনবিংশ শতিকাত আমেৰিকাৰ কেইবাখনো চহৰত চুৰি কৰি আমেৰিকাৰ আৰক্ষীৰ পানীত হাঁহ নচৰা অৱস্থা কৰি দিছিল এই কিংবদন্তি চোৰজনে।
কাৰাগাৰতে মৃত্যু হোৱা উইলিৰ মৃতদেহ চমজি ল’বলৈ কোনো আত্মীয় আগবাঢ়ি নহাৰ বাবে আৰক্ষীয়ে মামী কৰি সংৰক্ষণ কৰি থৈছিল উইলিৰ মৃতদেহ।
খবৰ অনুসৰি, শনিবাৰে আমেৰিকাৰ ফিলাডেলফিয়া চহৰৰ পৰা উত্তৰ-পশ্চিম দিশত অৱস্থিত ৰিডিং চহৰত উইলিৰ মৃতদেহ সমাধিস্থ কৰা হয়।
