Smiling sun যদি আপুনি ইয়াক অলপ লক্ষ্য কৰে সূৰ্যটো হাঁহি থকাৰ দৰে দেখিব। হাঁহিটোৱে গালত টোল পেলাইছে। নাছাৰ ছ’লাৰ ডাইনেমিক অৱজাৰভেটৰিত তেনে এক ছবি ধৰা পৰিছে। সূৰ্যৰ ফালে চাই হাঁহি থকা যেন লাগিলেও বিজ্ঞানীসকলে ইয়াত বিপদ দেখিছে। সূৰ্যৰ গালত থকা তিনিটা ক’লা টোলত লুকাই আছে সেই বিপদ।
বিজ্ঞানীসকলে দাবী কৰিছে যে সেই ক’লা অঞ্চলবোৰৰ পৰাই অতি শক্তিশালী সৌৰ ধুমুহা ওলাই আহিছে। সেই ক’লা দাগবোৰ দেখি বিজ্ঞানীসকলে অনুমান কৰিছে যে ২৮ অক্টোবৰত পৃথিৱীৰ দিশে আহিব পাৰে এক সৌৰ ধুমুহা।
সূৰ্যৰ হাঁহি থকা মুখৰ বাতৰি প্ৰকাশ কৰিছে Space Weather.comয়ে। ছাইটটোৱে দাবী, ‘চাওক। আজি সূৰ্যলৈ চাই হাঁহি থকা যেন লাগিছে। সূৰ্যৰ পৰিমণ্ডলৰ ছিদ্ৰৰ পৰা এটা জটিল সৌৰ ধুমুহা ওলাই আহিছে। সেই ধুমুহাৰ দিশ পৃথিৱীৰ অভিমুখী।‘
উল্লেখ্য যে সূৰ্যৰ বুকুত দেখা পোৱা কৃষ্ণগহ্বৰবোৰক কৰোনেল হোল বুলি কোৱা হয়। ইয়াতেই সৌৰ ধুমুহাৰ উৎপত্তি হয়। সেই ঠাইবোৰৰ পৰা ওলাই অহা ৰশ্মিবোৰ এক মাৰাত্মক অতিবেঙুনীয়া প্ৰকৃতিৰ। সেয়ে ইয়াৰ পৰা ক্ষতি হোৱাৰ সম্ভাৱনা বহুত বেছি।
যদি এই সৌৰ ধুমুহাই পৃথিৱীত আঘাত কৰে, তেন্তে ই কিমান ক্ষতি কৰিব সেয়া এতিয়াও জানিব পৰা হোৱা নাই। কাৰণ সৌৰ ধুমুহাৰ চৰিত্ৰ অতি জটিল। ই পৃথিৱীৰ চুম্বকীয় ক্ষেত্ৰত শক্তিশালী প্ৰভাৱ পেলাব পাৰে। ই জিপিএছ আৰু ৰেডিঅ’ তৰংগৰ ওপৰতো প্ৰভাৱ পেলাব পাৰে।
Say cheese! 📸
Today, NASA’s Solar Dynamics Observatory caught the Sun "smiling." Seen in ultraviolet light, these dark patches on the Sun are known as coronal holes and are regions where fast solar wind gushes out into space. pic.twitter.com/hVRXaN7Z31
— NASA Sun & Space (@NASASun) October 26, 2022
কেৱল সেয়াই নহয়, এনে সৌৰ ধুমুহাই পৃথিৱীৰ কক্ষপথত থকা উপগ্ৰহবোৰো ধ্বংস কৰিব পাৰে। ইয়াৰ লগতে শ্বৰ্টৱেভ ৰেডিঅ’ আৰু ম’বাইল সেৱাকে ধৰি ইণ্টাৰনেট সেৱাও ব্যাহত হ’ব পাৰে।
