বন্যপ্ৰাণী আৰু প্ৰকৃতিৰ সংস্থা নেছাৰ্ছ বেকন আৰু পৰ্যটন ভিত্তিক সংস্থা ইক’ ট্যুৰিষ্টে যুটীয়াভাৱে পবিতৰা বন্যপ্ৰাণী অভয়াৰণ্যত এখন দুদিনীয়া পৰিৱেশ পৰ্যটন প্ৰশিক্ষণ কৰ্মশালাৰ আয়োজন কৰিছে।
চলিত বৰ্ষৰ ডিচেম্বৰৰ ১৬ আৰু ১৭ তাৰিখে এই প্ৰশিক্ষণ শিবিৰ অনুষ্ঠিত হ’ব। পৰিৱেশ পৰ্যটনক উদগণি দিব বিচৰা, পৰিৱেশ পৰ্যটন ব্যৱসায়ত নিয়োজিত থকা বাব নিয়োজিত হ’বলৈ বিচৰাসকল আৰু পৰিৱেশ পৰ্যটন বিষয়ত অধ্যয়নৰত ছাত্ৰ-ছাত্ৰীসকলে এই প্ৰশিক্ষণ শিবিৰত অংশগ্ৰহণ কৰিব পাৰিব।
এই প্ৰশিশক্ষণ শিবিৰৰ ভৰ্তি মাছুল হৈছে ৬৬০০ টকা আৰু ইয়াত থকা, খোৱা, প্ৰশিক্ষণ আৰু অধ্যয়ন সামগ্ৰীৰ ব্যয় অন্তৰ্ভুক্ত থাকিব। প্ৰতি গৰাকী অংশগ্ৰহণকআৰীক অংশগ্ৰহণৰ প্ৰমাণপত্ৰ প্ৰদান কৰা হ’ব। ছাত্ৰ-ছাত্ৰীসকলৰ বাবে ভৰ্তি মাছুল ৩০০০ টকা হ্ৰাস কৰা হৈছে বাবে তেওঁলোকৰ বাবে ভৰ্তি মাছুল ৩৬০০ টকা ধাৰ্য কৰা হৈছে।
অংশগ্ৰহণকাৰীসকলে ২০১৮ৰ ডিচেম্বৰৰ ৩ তাৰিখৰ পূৰ্বে যোগদানৰ আনুষ্ঠানিকতা সম্পূৰ্ণ কৰিব লাগিব। অধিক জানিবলৈ সৌম্যদীপ দত্তক 9706309331 নম্বৰত আৰু জয়দীপক 8638398407 নম্বৰত যোগাযোগ কৰিব পাৰে।
