চাওলুং চ্যুকাফাৰ নামেৰে স্থাপন হ’ব নতুন বিশ্ববিদ্যালয়
টাই আহোম ৰাজবংশৰ প্ৰতিষ্ঠাতা চাওলুং চ্যুকাফাৰ নামেৰে অসমত এখন নতুন বিশ্ববিদ্যালয় স্থাপন হ’ব। অসমৰ মুখ্যমন্ত্ৰী হিমন্ত বিশ্ব শৰ্মাই দেওবাৰে এই কথা ঘোষণা কৰিছে।
দেওবাৰে টাই আহোম সম্প্ৰদায়ৰ সৈতে হোৱা এখন বৈঠকত মুখ্যমন্ত্ৰীয়ে এই ঘোষণা কৰে।
সভাত ৰাইজক সম্বোধন কৰি মুখ্যমন্ত্ৰী শৰ্মাই চৌধুৰী টাই সম্প্ৰদায়ৰ সকলো ধৰণৰ উন্নয়নৰ ওপৰত সম্পূৰ্ণ মনোযোগ দিয়াৰ আশ্বাস দিয়ে।
আহোমৰ জনজাতিকৰণ সন্দৰ্ভতো ইতিবাচক সঁহাৰি লাভ কৰিছে বুলি মুখ্যমন্ত্ৰী শৰ্মাই কয়।
তদুপৰি মুখ্যমন্ত্ৰী হিমন্ত বিশ্ব শৰ্মাই ৰাইজক চৰকাৰে চৰাইদেউক সকলো অবৈধ বেদখলৰ পৰা মুক্ত কৰিব বুলিও আশ্বাস প্ৰদান কৰে ।
মুখ্যমন্ত্ৰী শৰ্মাই লগতে কয় যে অতি শীঘ্ৰেই অসম সচিবালয়ত মহামতী চ্যুকাফাৰ এটা প্ৰতিমূৰ্তি স্থাপন কৰা হ’ব।