কলিয়াবৰত আজি মুঠ ৪৫জন লোক কোভিড-১৯ত আক্ৰান্ত হৈছে।
জখলাবন্ধা চিকিৎসালয় আৰু জখলাবন্ধা চিকিৎসালয়ৰ সৈতে জড়িত অন্য চাৰিটা কোভিড টেষ্ট কেন্দ্ৰত আজি ২১ জন লোক কোভিড-১৯ত আক্ৰান্ত হয় ।
ইয়াৰে¸কলিয়াবৰৰ চুলুংস্থিত গেমন কোম্পানিত কৰ্মৰত ৩ জন কৰ্মচাৰীৰ দেহত ধৰা পৰিছে কোভিডৰ উপস্থিতি। এই পৰ্যন্ত কোম্পানিটোৰ ২১ জন কৰ্মচাৰী কৰোনাত আক্ৰান্ত হৈছে।
ইফালে চিমনাবস্তি চিকিৎসালয়ৰ কোভিড চেন্টাৰৰ সৈতে জড়িত আন চাৰিটা কোভিড টেষ্ট কেন্দ্ৰত কৰা টেষ্টত ২৪ জন লোক কোভিডত আক্ৰান্ত হয়।
আজি আক্ৰান্ত ৩৬ জনক বৰ্তমান হোম আইছ’লেচশ্যনত থকাৰ নিৰ্দেশ দিয়ে স্বাস্থ্য বিভাগে। আনহাতে, ৯ জন আক্ৰান্তক হাস্পাতাললৈ প্ৰেৰণ কৰে।
কলিয়াবৰত এতিয়ালৈ কোভিড-১৯ত আক্ৰান্তৰ সংখ্যা ৩৭৯ লৈ বৃদ্ধি পালে।
সেইদৰে সুস্থ হৈ উঠিছে ১৯৪ গৰাকী আক্ৰান্ত ৰোগী। আনহাতে, সক্ৰিয় ৰোগীৰ সংখ্যা হৈছে ১৮৫ গৰাকী।
