আজি নিয়াই কৃষক মুক্তি সংগ্ৰাম সমিতিৰ নেতা অখিল গগৈৰ লগতে ধৈৰ্য্য কোঁৱৰ, বিতু সোণোৱাল আৰু মানস কোঁৱৰৰ বিৰুদ্ধে ১৩/১৯ গোচৰত নিয়া আদালতত চাৰ্জশ্বীট দাখিল কৰে৷
চাৰ্জশ্বীটত নিয়াই অখিল গগৈৰ মাওবাদীৰ লগত সম্পৰ্ক আছিল আৰু ধৈৰ্য্য কোঁৱৰ, বিতু সোণোৱাল আৰ মানস কোঁৱৰে আদৰ্শগত সমৰ্থন কৰিছিল বুলি অভিযোগ আনিছে।
এই কথা জানিব দিয়ে অখিল গগৈৰ অধিবক্তা কৃষ্ণ গগৈয়ে৷
লগতে কা-বিৰোধী আন্দোলনত ৰাজহুৱা সম্পত্তি বিনষ্ট কৰা, ৰাস্তা বন্ধ কৰা আদি কাৰ্যত উচতনি যোগাইছে বুলি অভিযোগ আনিছে বুলি জানিব দিয়ে অধিবক্তাই৷
নিয়াৰ তদন্তৰ আওতাত সমগ্ৰ অসমৰ ঘটনাই ঠাই পাইছে বুলি আজি চাৰ্জশ্বীটত সেই কথা উল্লেখ থাকে বুলি ব্যক্ত কৰি অধিবক্তাজনে কয় “তেনেস্থলত অসম আৰক্ষীয়ে একেধৰণৰ ঘটনাত গ্ৰেপ্তাৰ কৰি আছে অখিল গগৈক৷”
বৰ্তমান চাবুৱা থানাৰ তিনিটা গোচৰত অখিল গগৈক গ্ৰেপ্তাৰ কৰা হৈছে৷
