গুজৰাট আৰক্ষীয়ে আজি আহমেদাবাদৰ পৰা ৯৪ জন শ্ৰমিকক উদ্ধাৰ কৰিবলৈ সক্ষম হয়। আৰক্ষীয়ে উদ্ধাৰ কৰা আটাইকেইজন শ্ৰমিক অসম আৰু নাগালেণ্ডৰ। ৯৪ জন শ্ৰমিকৰ ভিতৰত ১২ জন নাবালক।
ঘটনা সন্দৰ্ভত আৰক্ষী বিষয়া এ মাকৱানাই কয় যে, ‘কাম কৰাৰ বিপৰীতে উদ্ধাৰ কৰা শ্ৰমিক কেইজনক কোনো ধন দিয়া নাছিল। এটা কেমিকেল ফেক্টৰীত কাম কৰিছিল উদ্ধাৰ কৰা আটইকেইজন শ্ৰমিকে।’
Gujarat: Nikol Police today rescued 94 bonded labours (including 12 minors) from Nagaland&Assam, in Ahmedabad. A Makwana, DCP Zone 5, says, “They were not paid any wages for the work they did in a chemical factory. They were also not allowed to visit their homes. Case registered” pic.twitter.com/AU8e5eyi6X
— ANI (@ANI) September 14, 2019
লগতে আৰক্ষী বিষয়া গৰাকীয়ে কয় যে, ‘উদ্ধাৰ কৰা শ্ৰমিককেইজনক কাম কৰি থকা ফেক্টৰীটোৰ পৰা ঘৰলৈও যাবলৈ দিয়া নাছিল। আমি এই সন্দৰ্ভত গোচৰ ৰুজু কৰিছো।’
বাতৰি লিখা পৰলৈকে উদ্ধাৰ হোৱা অসম-নাগালেণ্ডৰ শ্ৰমিক কেইজনৰ পৰিচয় জানিব পৰা হোৱা নাই।
উল্লেখযোগ্য যে বিভিন্ন সময়ত শ্ৰম বিভাগ, শিশু সুৰক্ষা বিষয়া কাৰ্যালয়ৰ কৰ্মচাৰীয়ে অভিযান চলাই বিভিন্ন ঠাইৰ পৰা শিশু শ্ৰমিক উদ্ধাৰ কৰি আহিছে।
সম্প্ৰতি অসম নাগালেণ্ডৰ নাবালক শিশু আহমেদাবাদত শিশু শ্ৰমিক হিচাপে উদ্ধাৰ হোৱা কাৰ্যই সচেতন মহলৰ মাজত চাঞ্চল্যৰ সৃষ্টি কৰিছে।
তাৰোপৰি কামৰ বিনিময়ত কোনো ধৰণৰ ধন নিদিয়াৰ লগতে ঘৰলৈ আহিবলৈ নিদিয়া কাৰ্যইও সচেতন মহলৰ মাজত তীব্ৰ প্ৰতিক্ৰিয়াৰ সৃষ্টি কৰিছে।
বৰ্তমান আৰক্ষীয়ে এই ক্ষেত্ৰত কি ভূমিকা গ্ৰহণ কৰে সেয়া লক্ষণীয় হ’ব।
