কেন্দ্ৰীয় গৃহমন্ত্ৰী অমিত শ্বাহৰ বিহাৰ ভ্ৰমণ সন্দৰ্ভত মন্তব্য কৰি বিহাৰৰ মুখ্যমন্ত্ৰী নীতিশ কুমাৰে কয় “ৰাজ্যখন ভ্ৰমণ কৰাৰ অধিকাৰ সকলোৰে আছে।” সকলোৰে বিহাৰ ভ্ৰমণ কৰাৰ অধিকাৰ আছে। আমি জয়প্ৰকাশ নাৰায়ণৰ গাওঁখন ভালদৰে সংৰক্ষণ কৰি ৰাখিছো,” ।শ্বাহে ১১ অক্টোবৰত বিহাৰৰ সীতাব দিয়াৰাত লোক নায়ক জয়প্ৰকাশ নাৰায়ণৰ জন্ম জয়ন্তী উপলক্ষে আয়োজিত এক কাৰ্যসূচীত অংশগ্ৰহণ কৰিব।
শ্বাহে লোক নায়ক জয়প্ৰকাশ নাৰায়ণৰ জন্ম জয়ন্তীত অংশগ্ৰহণ কৰিবলৈ দুপৰীয়া ১২ বজাত সীতাব দিয়াৰাত উপস্থিত হ’ব। তেওঁ জয়প্ৰকাশ নাৰায়ণক সন্মান জনাই কাৰ্যসূচীত অংশগ্ৰহণ কৰিব। নীতিশ কুমাৰে এইবুলিও কয় যে শ্বাহে এতিয়ালৈকে ৰাজ্য চৰকাৰে কি কৰিছে চাবলৈ নাৰায়ণৰ গাওঁখন ভ্ৰমণ কৰা উচিত।’লোকনায়ক’গৰাকী ভাৰত ত্যাগ আন্দোলনৰ এক বিশিষ্ট ব্যক্তি আছিল।
তেওঁ ১৯৭০ ৰ দশকৰ মাজভাগত প্ৰধানমন্ত্ৰী ইন্দিৰা গান্ধীৰ নানান কামৰ বিৰোধিতাৰ নেতৃত্ব দিছিল।দুৰ্নীতি নিৰ্মূল কৰিবলৈ তেওঁ “সম্পূৰ্ণ বিপ্লৱৰ” আহ্বান জনাইছিল। তেওঁৰ নেতৃত্বত জনতা পাৰ্টিয়ে বিপুল ভোট লাভ কৰি কেন্দ্ৰত চৰকাৰ গঠন কৰা প্ৰথম অ-কংগ্ৰেছী দল হিচাপে পৰিগণিত হৈছিল। ১৯৯৯ চনত তেওঁক মৰণোত্তৰভাৱে ভাৰতৰ সৰ্বোচ্চ অসামৰিক সন্মান ভাৰত ৰত্ন প্ৰদান কৰা হয়।
এমাহৰ ভিতৰত শ্বাহৰ এইটো দ্বিতীয় বিহাৰ ভ্ৰমণ হ’ব। ২৩-২৪ ছেপ্টেম্বৰত তেওঁ বিহাৰৰ সীমাঞ্চল ভ্ৰমণ কৰিছিল। দলীয় সূত্ৰ অনুসৰি, শ্বাহে আগন্তুক লোকসভা নিৰ্বাচনলৈকে মাহত এবাৰ কৈ বিহাৰ ভ্ৰমণ কৰিব পাৰে।
