আঘাতপ্ৰাপ্ত অলৰাউণ্ডাৰ নীতিশ কুমাৰ ৰেড্ডীৰ জীৱনত এইবাৰ আইনী সমস্যাই দেখা দিছে। ভাৰতীয় ক্ৰিকেট দল আৰু ছানৰাইজাৰ্ছ হায়দৰাবাদৰ খেলুৱৈগৰাকীৰ প্ৰাক্তন এজেণ্টে তেওঁৰ বিৰুদ্ধে ৫ কোটিৰো অধিক টকাৰ অনাদায় ধন বিচাৰি আবেদন দাখিল কৰিছে।
বিষয়টোৰ সৈতে পৰিচিত সূত্ৰই ইণ্ডিয়া টুডেক নিশ্চিত কৰিছে যে নীতিশ ৰেড্ডী আৰু তেওঁৰ প্ৰাক্তন খেলুৱৈ এজেন্সী স্কোৱাৰ দ্য ৱানৰ মাজৰ সম্পৰ্ক তিক্ত হৈছিল বৰ্ডাৰ-গাভাস্কাৰ ট্ৰফী ২০২৪-২৫ৰ সময়ত। ইয়াৰ পাছত খেলুৱৈগৰাকীয়ে আন এজন ভাৰতীয় ক্ৰিকেটাৰৰ মেনেজাৰৰ সৈতে চুক্তিবদ্ধ হয় যিজনো সেই ভ্ৰমণৰ অংশ আছিল।
প্লেয়াৰ মেনেজমেণ্ট এজেন্সী স্কোৱাৰ দ্য ৱান প্ৰাইভেট লিমিটেডে Arbitration and Conciliation আইনৰ ধাৰা ১১(৬)ৰ অধীনত মেনেজমেণ্ট চুক্তি ভংগ আৰু বাবদ ধন পৰিশোধ নকৰাৰ অভিযোগ উত্থাপন কৰিছে। এই গোচৰৰ শুনানি অহা ২৮ জুলাইত দিল্লী উচ্চ ন্যায়ালয়ত হোৱাৰ সম্ভাৱনা আছে।
আবেদনখনত চুক্তিৰ অবৈধ উলংঘাৰ অভিযোগ আৰু খেলুৱৈয়ে চুক্তিবদ্ধ বাবদ ধন পৰিশোধ নকৰাৰ সৈতে জড়িত দাবীৰ বিচাৰৰ বাবে এজন স্বতন্ত্ৰ মধ্যস্থতাকাৰী নিযুক্তি দিয়া হৈছে।
এই গোচৰৰ ঘনিষ্ঠ সূত্ৰই ইণ্ডিয়া টুডেক জনোৱা মতে, আই পি এলত বিশিষ্ট স্থান দখল কৰাৰ পূৰ্বে ২০২১ চনৰ পৰাই স্কোৱাৰ দ্য ৱানে নীতিশ ৰেড্ডীক প্ৰতিনিধিত্ব কৰি আহিছে। কোৱা হৈছে যে সংস্থাটোৱে তেওঁলোকৰ চাৰি বছৰীয়া সংঘৰ সময়ছোৱাত ৰেড্ডীৰ বাবে একাধিক ব্ৰেণ্ড এণ্ডাৰছমেণ্ট আৰু বাণিজ্যিক অংশীদাৰিত্বৰ সুবিধা প্ৰদান কৰিছিল।
বৰ্ডাৰ-গাভাস্কাৰ ট্ৰফীত টেষ্টৰ আকৰ্ষণীয় অভিষেক ঘটোৱাৰ পাছৰে পৰা নীতিশ ৰেড্ডীৰ বাবে পৰিস্থিতি ভাল হোৱা নাই। অল ৰাউণ্ডাৰগৰাকীয়ে ছানৰাইজাৰ্ছ হায়দৰাবাদৰ সৈতে ইণ্ডিয়ান প্ৰিমিয়াৰ লীগ ২০২৫ৰ ছিজন দুৰ্বল আছিল। আই পি এলৰ সময়ত আঘাত কঢ়িয়াই নিয়াৰ পাছতো নীতিশে ইংলেণ্ডৰ বিৰুদ্ধে টেষ্ট শৃংখলাৰ আগেয়ে নিজৰ বলিঙৰ বোজা বৃদ্ধি কৰে। কিন্তু বাৰ্মিংহাম আৰু লৰ্ডছ টেষ্টত খেলাৰ পাছত আঁঠুৰ গুৰুতৰ আঘাতৰ বাবে স্বদেশলৈ ওভতে ৰেড্ডী।
