দেশত চলি থকা কয়লা সংকটৰ বাতৰিৰ মাজতে বিত্ত মন্ত্ৰী নিৰ্মলা সীতাৰমণে অস্বীকাৰ কৰিছে কয়লা সংকটৰ বাতৰি।
দেশত কয়লাৰ কোনো অভাৱ নাই বুলি মন্তব্য কৰি এনে বাতৰি সম্পূৰ্ণ ভিত্তিহীন বুলি অভিহিত কৰে বিত্ত মন্ত্ৰী গৰাকীয়ে।
সীতাৰমণে কয় যে কয়লা তথা অন্যান্য কেঁচা মালৰ অভাৰ ফলত শক্তি ব্যৱহাৰত যোগান চাহিদাৰ পৰিস্থিতিত হঠাতে বাধা আহিব বুলি প্ৰচাৰ কৰা হৈছে সেইয়া সম্পূৰ্ণ ভিত্তিহীন বুলি শক্তি মন্ত্ৰী আৰ কে সিঙৰ প্ৰতিবেদনত প্ৰকাশ পাইছে।
“এই খবৰ সম্পূৰ্ণ ভিত্তিহীন! একোৰে অভাৱ নাই। দৰাচলতে শক্তি মন্ত্ৰীৰ মন্তব্য অনুসৰি প্ৰতিটো শক্তি উৎপাদনকাৰী স্থাপনৰ পৰৱৰ্তী চাৰি দিনৰ ষ্টক তেওঁলোকৰ নিজৰ চৌহদৰ ভিতৰত সম্পূৰ্ণৰূপে উপলব্ধ আৰু যোগান শৃংখলাটো একেবাৰে ভঙা নাই।” সীতাৰমণে মঙলবাৰে হাৰ্ভাৰ্ড কেনেডি স্কুলত এক বৈঠকত কয়।
মোচাভাৰ-ৰহমানী চেণ্টাৰ ফৰ বিজনেছ এণ্ড গভৰ্ণমেণ্টৰ দ্বাৰা আয়োজিত বাৰ্তালাপৰ সময়ত সীতাৰমণক হাৰ্ভাৰ্ডৰ অধ্যাপক লৰেন্স চামাৰ্ছে শক্তিৰ অভাৱ আৰু ভাৰতত কয়লাৰ তালিকা হ্ৰাস হোৱাৰ প্ৰতিবেদনৰ বিষয়ে প্ৰশ্ন কৰিছিল।
প্ৰশ্নৰ উত্তৰত সীতাৰমণে কয় যে, “এনে কোনো সংকট নহ’ব যাৰ ফলত যোগানৰ কোনো অভাৱ হ’ব পাৰে। গতিকে ই ভাৰতৰ শক্তি উৎপাদন পৰিস্থিতিৰ মোকাবিলা কৰিব। ভাৰত এতিয়া এখন অৱশিষ্ট লাভজনক বিদ্যুৎ উৎপাদনকাৰী দেশ।”
“ভাৰতৰ বাবে শক্তিৰ কেঁচামাল কি উপলব্ধ, জীৱাশ্ম ইন্ধনৰ ওপৰত কিমান আধাৰিত আৰু নৱীকৰণযোগ্য শক্তিৰ পৰা কিমান আহে সেয়া চাবলৈ আমি যথেষ্ট পৰিমাণৰ নিৰ্ভৰযোগ্য উপায় গ্ৰহণ কৰি আছো আৰু আমি সদায়ে ইয়াক নৱীকৰণযোগ্য শক্তিৰ পক্ষত স্থানান্তৰ কৰিব পৰা উপায়বিলাক বিচাৰি আছো। গতিকে ইন্ধনৰ যোগান কম নহয়, কিন্তু কেঁচামালৰ তালিকাত থকা নতুন উপাদানবোৰৰ বিষয়েও চিন্তা-চৰ্চা কৰা হৈছে।” তেওঁ লগতে কয়।
