নগাঁও জিলাৰ চামগুৰি আৰক্ষীৰ এটা দলে শনিবাৰে মাজ নিশা আমনিত অবৈধ বিলাতী সুৰাৰ বিৰুদ্ধে অভিযান চলাই সুৰা ভৰ্তি এখন ট্ৰাক জব্দ কৰে।
আৰক্ষীৰ দলটোৱে তিনি গৰাকী সৰবৰাহকাৰীকো আটক কৰে বুলি জানিব পৰা গৈছে।
অবৈধ বিলাতী সুৰাখিনি অৰুণাচলৰ নাহৰলগুনৰ পৰা এ এছ ০১ এ চি ৮৯৯১ নম্বৰৰ ট্ৰাকখনে নাগালেণ্ডৰ ডিমাপুৰলৈ কঢ়িয়াই অনা অৱস্থাতে আমনিত গোপন সূত্ৰৰ পৰা লাভ কৰা তথ্যৰ ভিত্তিত চামগুৰি আৰক্ষীয়ে অভিযান চলাই অবৈধ সুৰা ভৰ্তি ট্ৰাকখন জব্দ কৰাৰ লগতে তিনিজন সৰবৰাহকাৰীক কৰায়ত্ব কৰিবলৈ সক্ষম হয়।
বৰ্তমান তিনিও সৰবৰাহকাৰীক চামগুৰি থানাত জেৰা অব্যাহত ৰাখিছে বুলি আৰক্ষীৰ সূত্ৰই প্ৰকাশ কৰিছে।
আনহাতে জব্দ কৰা ট্ৰাক খনত প্ৰায় এঘাৰশ কাৰ্টন অবৈধ ৰাম আছে বুলি চামগুৰি আৰক্ষীয়ে জানিবলৈ দিয়ে।
