দেশত ক’ৰ’নাই নৰ সংহাৰ চলাই আছে। দেশত এতিয়ালৈকে ১,০৭৪ গৰাকী আক্ৰান্ত মৃত্যু হোৱৰ বিপৰীতে আক্ৰান্ত হোৱাৰ লোকৰ সংখ্যা বৃদ্ধি পাই ৩৩.০৫০ গৰাকী হৈছে।
ইয়াৰ সমান্তৰালভাৱে ক’ৰ’না ভাইৰাছৰ পৰা নিৰাময় লাভ কৰা লোকৰ সংখ্যা হৈছে ৮,৩২৫ গৰাকী।
তেনে সময়তে কেন্দ্ৰীয় স্বাস্থ্য মন্ত্ৰী ডাঃ হৰ্ষ বৰ্ধনে ক’ৰ’নাক্ৰান্তৰ সন্দৰ্ভত অন্য কিছু তথ্য প্ৰকাশ কৰিছে।
দেশত মাত্ৰ ০.৩৩ শতাংশ ক’ৰ’নাক্ৰান্তইহে ভেণ্টিলেশ্যনত আছে। এই মন্তব্য কেন্দ্ৰীয় স্বাস্থ্য মন্ত্ৰী ডাঃ হৰ্ষ বৰ্ধনৰ।
‘ভেণ্টিলেশ্যনত মাত্ৰ ০.৩৩ শতাংশ, অক্সিজেন প্ৰদান কৰা ১.৫ শতাংশ আৰু আই চি ইউত ২.৩৪ শতাংশ ক’ৰ’নাক্ৰান্তক চিকিৎসা প্ৰদান কৰি থকা হৈছে।’ আন্তৰাষ্ট্ৰীয় লায়ন্স ক্লাৱৰ সৈতে হোৱা এক ভিডিঅ’ কনফাৰেন্সত এইদৰে কয় কেন্দ্ৰীয় স্বাস্থ্য মন্ত্ৰীগৰাকীয়ে।
আন্তঃৰাষ্ট্ৰীয় দৃষ্টিকোণেৰে এই ভাইৰাছবিধ মোকাবিলা কৰাত ভাৰত সফল হৈছে বুলিও মন্ত্ৰী বৰ্ধনে মন্তব্য কৰে।
দেশৰ ২৮৮ টা চৰকাৰী আৰু ৯৭ টা ব্যক্তিগত পৰীক্ষাগাৰ লগতে ১৬,০০০ টা নমুনা সংগ্ৰহৰ কেন্দ্ৰৰ জৰিয়তে দৈনিক ৬০,০০০ হাজাৰ স্বাস্থ্য নমুনা পৰীক্ষা সম্পন্ন কৰা হৈ আছে বুলি জানিবলৈ দিয়ে কেন্দ্ৰীয় স্বাস্থ্য মন্ত্ৰী গৰাকীয়ে।
