মঙলবাৰে (১৫ অক্টোবৰ) মধ্যপ্ৰদেশ উচ্চ ন্যায়ালয়ে ‘পাকিস্তান জিন্দাবাদ, হিন্দুস্তান মুৰ্দাবাদ’ শ্লোগান উত্থাপন কৰা অভিযুক্তক এই চৰ্তত জামিন মঞ্জুৰ কৰে যে তেওঁ মাহত ২১ বাৰকৈ জাতীয় পতাকাক চেলুট দি ‘ভাৰত মাতা কি জয়’ ধ্বনি দিব লাগিব।
ইণ্ডিয়ান এক্সপ্ৰেছৰ প্ৰতিবেদন অনুসৰি চলিত বৰ্ষৰ ১৭ মে’ত এফআইআৰ ৰুজু হোৱাৰ পিছত অভিযুক্ত ফৈজানক ভোপাল আৰক্ষীয়ে গ্ৰেপ্তাৰ কৰিছিল আৰু তেতিয়াৰ পৰাই তেওঁ জিম্মাত আছে। অভিযুক্তৰ উদ্দেশ্য বিভিন্ন গোটৰ মাজত শত্ৰুতা বৃদ্ধি কৰা আৰু তেওঁৰ এই কাৰ্য্যই সম্প্ৰীতি আৰু জাতীয় ঐক্যৰ প্ৰতি ক্ষতিকাৰক বুলি যুক্তি দিছিল।
অভিযুক্তক জামিন মঞ্জুৰ কৰাৰ সময়ত ন্যায়াধীশ দীনেশ কুমাৰ পালিৱালে নির্দেশ দিয়ে যে গোচৰৰ অন্তলৈকে মাহৰ প্রথম আৰু চতুর্থ মঙলবাৰে পুৱা ১০ বজাৰ পৰা দুপৰীয়া ১২ বজাৰ ভিতৰত স্থানীয় থানাত নিজৰ উপস্থিতি অবিৰতভাৱে পঞ্জীয়ন কৰিব লাগিব।
আদালতে কয় যে থানালৈ অহাৰ সময়ত অভিযুক্তই ২১ বাৰকৈ থানা ভৱনত উত্তোলন কৰা জাতীয় পতাকাক চেলুট দি ‘ভাৰত মাতা কি জয়’ শ্লোগান দিব লাগিব।
আদালতে কয় যে জামিনত ওপৰৰ চৰ্তটো বাধ্যতামূলকভাৱে অন্তৰ্ভুক্ত কৰিব লাগে।
