গাহৰি পালন এক লাভজনক আৰু বহনক্ষম পশুপালনৰ উদ্যোগ। কিন্তু সফলতা নিৰ্ভৰ কৰে সঠিক পৰিকল্পনা, পৰিচালনা আৰু উত্তম পদ্ধতিৰ ওপৰত। সেয়েহে, কৃষি বিশেষজ্ঞ আৰু অভিজ্ঞ গাহৰি পালকৰ পৰা পোৱা পৰামৰ্শ সমূহৰ সহায়ত এই লেখাটো যুগুটোৱা হৈছে, যাতে এই লেখাৰ দ্বাৰা নবীন গাহৰি পালকসকল উপকৃত হ’ব পাৰে।
১.সঠিক জাত নিৰ্বাচন কৰা
আপোনাৰ অঞ্চলৰ জলবায়ু, খাদ্যৰ উপলব্ধতা, আৰু বজাৰৰ চাহিদাৰ অনুকূল জাত বাছক। লেণ্ডৰেচ, লাৰ্জ হোৱাইট ইয়ৰ্কশ্বাৰ আৰু উন্নত থলুৱা জাতৰ গাহৰি পুহিব পাৰে। বিশুদ্ধ জাতৰ বাবে পশু চিকিৎসক বা কৃষি বিষেষজ্ঞৰ পৰামৰ্শ লওক। ভাল অভিজ্ঞতা লাভ কৰিবলৈ ৪-৬ টা গাহৰিৰ পোৱালিৰে আৰম্ভ কৰক।
২. স্থান নিৰ্বাচন আৰু গৃহ নিৰ্মাণ
বায়ু চলাচল কৰিব পৰা, প্ৰদূষণমুক্ত আৰু ৰদ ঘাই ঠাইত গাহৰিৰ ফাৰ্ম নিৰ্মাণ কৰক। গাহৰিৰ ফাৰ্মত ২৪ ঘন্টাই বিদ্যুৎ আৰু পানীৰ উপলব্ধতা নিশ্চিত কৰক। প্ৰতিটো গাহৰিৰ বাবে কমেও ১৫-২০ বৰ্গফুট ঠাই ৰাখিব।
কাঠ বা বাঁহৰ দৰে স্থানীয় সামগ্ৰী ব্যৱহাৰ কৰি সহজ, সুলভ মূল্যৰ গঁৰাল নিৰ্মাণ কৰক।
৩. খাদ্য আৰু পুষ্টি
কুঁহিয়াৰ, শাক-পাচলি আৰু শস্যৰ দৰে উদ্ভিদভিত্তিক সুষম খাদ্য প্ৰদান কৰক। কচু, কলগছ, মাছ-মাংস আদি গাহৰিক খুৱাব পাৰে।
প্ৰতিটো গাহৰিৰ বাবে দৈনিক ৬-১০ কিলোগ্ৰাম খাদ্য নিৰ্দ্ধাৰণ কৰক। খাদ্য সদায় পৰিস্কাৰ পাত্ৰত দিয়ক।
৪. স্বাস্থ্য ব্যৱস্থাপনা আৰু জৈৱ সুৰক্ষা
নতুন গাহৰি আনিলে ৪-৬ সপ্তাহৰ বাবে কোৱাৰেণ্টাইন কৰি ৰাখক। দৈনিক গঁৰাল পৰিষ্কাৰ কৰি নিয়মিতভাৱে বীজাণুনাশক প্ৰয়োগ কৰক।
ৰোগৰ লগত যুঁজিবলৈ টিকাকৰণ কৰক। গাহৰিৰ লক্ষণসমূহ দৈনিক পৰীক্ষা কৰক। গাহৰিৰ গঁৰালত অলাগতীয়াল মানুহৰ প্ৰৱেশ নিষেধ কৰক।
৫.আৱৰ্জনা ব্যৱস্থাপনা আৰু বহনক্ষমতা
গাহৰিয়ে দৈনিক প্ৰতি ১০০ পাউণ্ড শৰীৰৰ ওজনত প্ৰায় ১.৬ পাউণ্ড গোবৰ উৎপন্ন কৰে। ইয়াক বাৰীত বা শস্যৰ বাবে সাৰ হিচাপে ব্যৱহাৰ কৰক বা বিক্ৰী কৰক। সঠিকভাৱে নিষ্কাশনে প্ৰদূষণ ৰোধ কৰে আৰু পৰিৱেশৰ নিয়ম মানি চলে।
৬.আইনী আৰু নিয়ন্ত্ৰণ অনুসৰণ
– গাহৰিৰ ব্যৱসায়ৰ বাবে স্থানীয় কৃষি বিভাগৰ পৰা প্ৰয়োজনীয় অনুমতি, অনুজ্ঞাপত্ৰ লওক। স্বাস্থ্য পৰীক্ষা আৰু টিকাকৰণৰ নিয়ম মানি চলক। ৰাজসাহায্যৰ খবৰ লৈ থাকিব।এই নিৰ্দেশনাসমূহ মানি চলিলে আপুনি উচ্চ উৎপাদনশীলতা, পশু কল্যাণ, আৰু অৰ্থনৈতিক সফলতা লাভ কৰিব পাৰে। যদি আপুনি নিৰ্দিষ্ট প্ৰত্যাহ্বানৰ সন্মুখীন হৈছে তেন্তে পশু চিকিৎসকৰ পৰামৰ্শ লওক বা নিৰ্দিষ্ট পৰামৰ্শৰ বাবে কৃষি বিভাগৰ লগত যোগাযোগ কৰক।
