কৃষকৰ কল্যাণৰ বাবে আজি প্ৰধানমন্ত্ৰী নৰেন্দ্ৰ মোডী ১ লাখ কোটি টকাৰ পেকেজ ঘোষণা কৰে।
ভাৰ্চুৱেল কনফাৰেন্সৰ জৰিয়তে মোডীয়ে কৃষকৰ বাবে ঘোষণা কৰে এই আঁচনি।
মোডীয়ে কয় যে দেশৰ প্ৰায় ১০ কোটি কৃষক এই পেকেজৰ জৰিয়তে লাভান্বিত হ’ব।
১ লাখ কোটি টকাৰ পেকেজৰ অধীনত কৃষক সকলে কম সুদৰ হাৰত ঋণ লবলৈ সক্ষম হ’ব। একেদৰে কৃষিজাত সামগ্ৰীৰ সঠিক মজুতকৰণৰ বাবে শীতলিগৃহ নিৰ্মাণকে ধৰি আন আনুষংগিক কামত এই পেকেজৰ ধন খৰচ কৰা হ’ব।
একেদৰে মোডীয়ে আজি ইলেক্ট্ৰনিক বুটাম টিপি দেশৰ প্ৰায় ৮.৫ কোটি কৃষকৰ বাবে কৃষক সন্মাণ নিধিৰ অধীনত ১৭,১০০ কোটি টকা সংশ্লিষ্ট পক্ষলৈ প্ৰেৰণৰ দিহা কৰে।
কৃষক সন্মাণ নিধিৰ অধীনত দেশৰ ৮.৫ কোটি কৃষকে বছৰি ৬,০০০ টকাকৈ লাভ কৰি আহিছে।
প্ৰধানমন্ত্ৰী মোডীয়ে আজি নাবাৰ্ডৰ বিষয়া বৰ্গৰ সৈতেও ভিডিঅ’ কনফাৰেল্সৰ জৰিয়তে মত বিনিময় কৰে।
প্ৰধানমন্ত্ৰীয়ে ঘোষণা কৰা ১ লাখ কোটি টকাৰ ব্যৱহাৰ সন্দৰ্ভত বিভিন্ন বেংকৰ সৈতে নাবাৰ্ডৰ এখন বুজা-বুজিৰ চুক্তি স্বাক্ষৰ হৈছে।
