উজবেকিস্তানত আৰম্ভ হৈ ছাংহাই সহযোগিতা সংস্থাৰ সন্মিলন। ভাৰতৰ প্ৰধানমন্ত্ৰী নৰেন্দ্ৰ মোদীয়ে ঐতিহাসিক উজবেক চহৰত দুবছৰৰ ভিতৰত ছাংহাই সহযোগিতা সংস্থাৰ (এছচিঅ’) প্ৰথমখন সন্মিলনত অংশগ্ৰহণ কৰিব। আঠজনীয়া গোটৰ সন্মিলনত ৰাছিয়াৰ ৰাষ্ট্ৰপতি ভ্লাদিমিৰ পুটিন, চীনৰ ৰাষ্ট্ৰপতি ঝি জিনপিং আৰু ইৰাণৰ ৰাষ্ট্ৰপতি ইব্ৰাহিম ৰাইচি, পাকিস্তানৰ প্ৰধানমন্ত্ৰী শ্বেহবাজ শ্বৰীফ আৰু মধ্য এছিয়াৰ দেশসমূহৰ অন্যান্য নেতাসকল উপস্থি্ত আছে। প্ৰধানমন্ত্ৰী মোদীয়েয়ে আঞ্চলিক নিৰাপত্তা প্ৰত্যাহ্বান ,বাণিজ্য, বিনিয়োগ আৰু শক্তি খণ্ডৰ দৰে বিষয়সমূহকলৈ বিভিন্ন দেশৰ ৰাষ্ট্ৰ প্ৰধানৰ সৈতে আলোচনা কৰিব।
সন্মিলনৰ সময়ত প্ৰধানমন্ত্ৰীয়ে ৰাছিয়াৰ ৰাষ্ট্ৰপতি পুটিন, উজবেক ৰাষ্ট্ৰপতি শৱকত মিৰ্জিয়োয়েভ আৰু ইৰাণৰ ৰাষ্ট্ৰপতি ৰাইচিৰ সৈতে দ্বিপাক্ষিক বৈঠকত মিলিত হ’ব বুলি জানিব পৰা গৈছে। তেওঁ আজি উজবেকিস্তানৰ ৰাষ্ট্ৰপতি শৱকত মিৰ্জিয়োয়েভক ছাংহাই সহযোগিতা সংস্থা (এছচিঅ’) সন্মিলনত সাক্ষাৎ কৰে।প্ৰধানমন্ত্ৰী মোদীয়ে উজবেকিস্তানৰ সমাৰকন্দত অনুষ্ঠিত ছাংহাই কো-অপাৰেচন অৰ্গেনাইজেচন (এছচিঅ’) সন্মিলনত চীনৰ ৰাষ্ট্ৰপতি ঝি জিনপিং, ৰাছিয়াৰ ৰাষ্ট্ৰপতি ভ্লাদিমিৰ পুটিন, পাকিস্তানৰ প্ৰধানমন্ত্ৰী শ্বেহবাজ শ্বৰীফ, উজবেক ৰাষ্ট্ৰপতি শৱকত মিৰ্জিয়োয়েভ আৰু মধ্য এছিয়াৰ নেতাসকলৰ সৈতে একেলগে আলোকচিত্ৰৰ বাবেও পোজ দিয়ে। এই সন্মিলনৰ সময়তে উজবেকিস্তানৰ সৈতে ভাৰতৰ বাণিজ্যৰ ক্ষেত্ৰত পাৰস্পৰিক সহযোগিতাৰ কেইবাটাও সিদ্ধান্ত গ্ৰহণ কৰাৰ সম্ভাৱনা আছে।
প্ৰধানমন্ত্ৰী মোদীয়ে কয় যে তেওঁ উজবেক ৰাষ্ট্ৰপতি মিৰ্জিয়োয়েভক সাক্ষাৎ কৰিবলৈও অপেক্ষা কৰি আছিল। তেওঁ লগতে কয়, “মই ২০১৮ চনত তেওঁৰ ভাৰত ভ্ৰমণৰ কথা মনত পেলাইছো। তেওঁ ভাইব্ৰেণ্ট গুজৰাট সন্মিলনকো আকৰ্ষণীয় কৰি তুলিছিল। উক্ত অনুষ্ঠানত তেওঁ সন্মানীয় অতিথি আছিল। তদুপৰি, সন্মিলনত অংশগ্ৰহণ কৰা আন কেইজনমান নেতাৰ সৈতে মই দ্বিপাক্ষিক বৈঠকত মিলিত হ’ম ।” দুয়োখন দেশৰ সৈতে দ্বিপাক্ষিক সম্পৰ্কত শীতলতাৰ মাজতে চীনৰ ৰাষ্ট্ৰপতি ঝি আৰু পাকিস্তানৰ প্ৰধানমন্ত্ৰী শ্বৰীফৰ সৈতেও মোদীয়ে আলোচনা কৰাৰ সম্ভাৱনা আছে। ২০০১ চনৰ জুন মাহত ছাংহাইত আৰম্ভ কৰা এছচিঅ’ৰ আঠখন সদস্য ৰাষ্ট্ৰ আছে, সেই সদস্য ৰাষ্ট্ৰ সমূহৰ ভিতৰত আছে ছয়জন প্ৰতিষ্ঠাপক সদস্য, চীন, কাজাখস্তান, কিৰগিজস্তান, ৰাছিয়া, তাজিকিস্তান আৰু উজবেকিস্তান। ভাৰত আৰু পাকিস্তানে ২০১৭ চনত সদস্যপদ গ্ৰহণ কৰে। প্ৰধানমন্ত্ৰী মোডীয়ে বৃহস্পতিবাৰে উজবেকিস্তানলৈ গৈছে। সন্মিলনৰ সময়তে মোদীয়ে চীনৰ ৰাষ্ট্ৰপতি ঝি জিনপিং আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে সুকীয়া সুকীয়াকৈ বৈঠকত মিলিত হ’ব।
প্ৰধানমন্ত্ৰীয়ে কাৰ্যালয়ে এই প্ৰসংগত কয়, “এছচিঅ’ সন্মিলনত মই সাময়িক, আঞ্চলিক আৰু আন্তঃৰাষ্ট্ৰীয় বিষয়, এছচিঅ’ৰ সম্প্ৰসাৰণ আৰু সংগঠনটোৰ ভিতৰত বহুমুখী আৰু পাৰস্পৰিক ভাৱে লাভজনক সহযোগিতা অধিক বৃদ্ধি কৰাৰ ক্ষেত্ৰত মত বিনিময় কৰিম।”তেওঁ লগতে কয় যে সন্মিলনখনত বাণিজ্য, অৰ্থনীতি, সংস্কৃতি আৰু পৰ্যটনৰ ক্ষেত্ৰত কেইবাটাও সিদ্ধান্ত লোৱা হ’ব বুলি আশা কৰা হৈছে।
উল্লেখ্য লাডাখকলৈ অচলাৱস্থা আৰম্ভ হোৱাৰ পিছৰে পৰা মোদী আৰু জিনপিঙে ইজনে সিজনৰ সৈতে আনুষ্ঠানিকভাবে কথা পতা নাই।লাডাখত চীনৰ সেনাই আগ্ৰাসন চলোৱাক লৈ বিগত কিছু বছৰ ধৰি ভাৰত আৰু চীনৰ মাজত সংঘাত অব্যাহত আছে। এনে সংঘাতৰ পৰিণতিতে কুৰি জনকৈ ভাৰতীয় সেনাৰ প্ৰাণো গৈছে। ইয়াৰ মাজতে ভাৰত আৰু চীনৰ মাজত লাডাখ সংকটকলৈ ১৬ লানি আলোচনা অনুষ্ঠিত হৈছে। শেহতীয়া আলোচনামৰ্মে দুয়োখন দেশে পূব লাডাখৰ গোগ্ৰা আৰু হট স্প্ৰিং অঞ্চলৰ পৰা সৈন্য প্ৰত্যাহাৰ কৰা আৰম্ভ কৰিছে।
