উৰিষ্যাৰ জনপ্ৰিয় ‘স্মাইলিং ডিজে’ ওৰফে ডিজে আজেক্সৰ মৃতদেহ ঘৰত ওলমি থকা অৱস্থাত উদ্ধাৰ হোৱাৰ পিছত এক ৰহস্যৰ সৃষ্টি হৈছে। পৰিয়ালৰ সদস্যসকল মৃত্যুৰ কাৰণক লৈ চিন্তিত। ইতিমধ্যে আৰক্ষী থানাত অস্বাভাৱিক মৃত্যুৰ গোচৰ ৰুজু কৰা হৈছে। এই গোচৰৰ ভিত্তিত আৰক্ষীয়ে তদন্ত আৰম্ভ কৰিছে।
ডিজে আজিক্সৰ প্ৰকৃত নাম অক্ষয় কুমাৰ। তেওঁ উৰিষ্যাত অতি জনপ্ৰিয় আছিল। যুৱ শিল্পীগৰাকীক বিভিন্ন অনুষ্ঠানলৈ আমন্ত্ৰণ জনোৱা হৈছিল। শনিবাৰে নিশা তেওঁৰ পৰিয়ালৰ সদস্যসকলে ডিজে আজেক্সৰ মৃতদেহ ওলমি থকা অৱস্থাত উদ্ধাৰ কৰে।
স্থানীয় সূত্ৰ অনুসৰি, ঘটনাটো নিশা প্ৰায় ১০.৩০ বজাত সংঘটিত হৈছিল। ইয়াৰ আগতে, ধুমুহা আৰু বৰষুণৰ ফলত অঞ্চলটোৰ বিদ্যুত বিছিন্ন ছিল। ধুমুহা আৰু বৰষুণ বন্ধ হোৱাৰ পিছত ডিজেক মাতিবলৈ দুৱাৰত টোকৰ মাৰিছিল। নাম ধৰিও মতা হয়। কিন্তু কোনো সঁহাৰি পোৱা নাপালে।
যেতিয়া ডিজে এজাক্সেক বহুত মতাৰ পিছতো সঁহাৰি পোৱা নাছিল দুৱাৰখন ভাঙি পেলোৱা হৈছিল। তেতিয়া পৰিয়ালৰ সদস্যসকলে সংগীতশিল্পীগৰাকীৰ ওলমি থকা শৰীৰটো দেখিছিল। মৃতদেহটো তৎক্ষণাৎ উদ্ধাৰ কৰি এখন চিকিৎসালয়লৈ লৈ যোৱা হৈছিল। তাত যুৱ শিল্পীজনক মৃত ঘোষণা কৰা হয়।
আৰক্ষীয়ে ঘটনাস্থলীলৈ ততাতয়াকৈ আহি উপস্থিত হয় আৰু মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে।তেওঁৰ অনুৰাগীসকলে যুৱ শিল্পীজনৰ এনে মৃত্যু সহজভাৱে গ্ৰহণ কৰিব পৰা নাই। বহুতে সামাজিক মাধ্যমত শোক প্ৰকাশ কৰিছে। আৰক্ষীয়ে ঘটনাটোৰ কাৰণ জানিবলৈ চেষ্টা কৰি আছে।
শিল্পীগৰাকীৰ এজন বন্ধুৱে অভিযোগ কৰিছে যে প্ৰেমিকাৰ ধনৰ দাবীৰ বাবে ডিজে আজেক্সৰ জীৱনত কোনো শান্তি নাছিল। তেওঁক ব্লেকমেইলো কৰা হৈছিল। হয়তো সেইকাৰণে শিল্পীগৰাকীৰ এই চৰম পদক্ষেপ!
