নতুন শিক্ষা বৰ্ষৰ পৰা দেউৰী আৰু তিৱা ভাষাত শিক্ষা প্ৰদান কৰা হ’ব অসমৰ ১২৬ খন নিম্ন প্ৰাথমিক বিদ্যালয়ত

২০২৫-২০২৬ শিক্ষাবৰ্ষৰ পৰা দেউৰী আৰু তিৱা ভাষাতো শিক্ষা প্ৰদান কৰা হ’ব । অসমৰ ১২৬ খন নিম্ন প্ৰাথমিক বিদ্যালয়ত দেউৰী আৰু তিৱা ভাষাত শিক্ষা প্ৰদানৰ বাবে নিৰ্ধাৰণ কৰা। এক অধিসূচনাৰ জৰিয়তে এই কথা ঘোষণা কৰিছে।

বিদ্যালয় শিক্ষা বিভাগে ২০২৫ চনৰ ২ এপ্ৰিলত জাৰি কৰা এক অধিসূচনা অনুসৰি সমগ্ৰ ৰাজ্যতে ২৮খন বিদ্যালয়ক “দেউৰী মধ্যমৰ নিম্ন প্ৰাথমিক বিদ্যালয়” আৰু ৯৮খন বিদ্যালয়ক “তিৱা মধ্যমৰ নিম্ন প্ৰাথমিক বিদ্যালয়” হিচাপে শ্ৰেণীভুক্ত কৰা হ’ব।

চৰকাৰী অধিসূচনা (E. No.632888/40)ত উল্লেখ কৰা হৈছে যে এই সিদ্ধান্ত সাধাৰণ জনসাধাৰণৰ স্বাৰ্থত আৰু দেউৰী আৰু তিৱা ভাষা সংৰক্ষণ আৰু প্ৰচাৰ আৰু দেউৰী আৰু তিৱা সম্প্ৰদায়ৰ ছাত্ৰ-ছাত্ৰীসকলে যাতে নিজৰ মাতৃভাষা বা গৃহভাষাত শিক্ষা লাভ কৰিব পাৰে তাৰ বাবে” লোৱা হৈছে। এই পদক্ষেপক জনজাতীয় ঐতিহ্য সংৰক্ষণ আৰু খিলঞ্জীয়া ভাষাৰ প্ৰচাৰৰ এক বৃহৎ পদক্ষেপ হিচাপে গণ্য কৰা হৈছে।