অসমৰ তিনিবাৰৰ মুখ্য মন্ত্ৰী তথা কংগ্ৰেছৰ জ্যেষ্ঠ নেতা তৰুণ গগৈৰ মৃত্যুত গভীৰ শোক প্ৰকাশ কৰিছে দেশৰ প্ৰধান মন্ত্ৰী নৰেন্দ্ৰ মোদীয়ে।
প্ৰাক্তন মুখ্য মন্ত্ৰী গৰাকীয়ে আজি গুৱাহাটী চিকিৎসা মহাবিদ্যালয় চিকিৎসালয়ত বিয়লি ৫.৩৪ বজাত ইহলীলা সম্বৰণ কৰে।
এই দুখজনক খবৰ বিয়পি পৰাৰ পিছতে প্ৰধান মন্ত্ৰী মোদীয়ে টুইটযোগে শোকপ্ৰকাশ কৰা পৰিলক্ষিত হয়।
প্ৰধান মন্ত্ৰী মোদীয়ে টুইটযোগে কয়, ‘তৰুণ গগৈ ডাঙৰীয়া এগৰাকী জনপ্ৰিয় আৰু জ্যেষ্ঠ প্ৰশাসক, তেওঁৰ অসম তথা কেন্দ্ৰত বহু বছৰীয়া ৰাজনৈতিক অভিজ্ঞতা আছিল। তেওঁৰ মৃত্যুৰ বাতৰিত ব্যাথিত হৈছো। এই দুখজনক সময়ত মই তেওঁৰ পৰিয়াল আৰু অনুৰাগীসকলৰ লগত আছো। ওম শান্তি’।
Shri Tarun Gogoi Ji was a popular leader and a veteran administrator, who had years of political experience in Assam as well as the Centre. Anguished by his passing away. My thoughts are with his family and supporters in this hour of sadness. Om Shanti. pic.twitter.com/H6F6RGYyT4
— Narendra Modi (@narendramodi) November 23, 2020
প্ৰধান মন্ত্ৰী মোদীৰ উপৰি কংগ্ৰেছৰ প্ৰাক্তন ৰাষ্ট্ৰীয় অধ্যক্ষ ৰাহুল গান্ধীয়েও বৰ্ষীয়ান কংগ্ৰেছ নেতাগৰাকীৰ মৃত্যুত শোক প্ৰকাশ কৰি টুইট কৰিছে।
ৰাহুল গান্ধীয়ে কয়, ‘তেওঁ প্ৰকৃতাৰ্থত এগৰাকী সঁচা কংগ্ৰছ নেতা আছিল। মই তেওঁৰ অনুপস্থিতি অনুভৱ কৰিম। গৌৰৱ আৰু তেওঁৰ পৰিয়াললৈ মোৰ মৰম আৰু সমবেদনা জ্ঞাপন কৰিলো’।
Shri Tarun Gogoi was a true Congress leader. He devoted his life to bringing all the people and communities of Assam together.
For me, he was a great and wise teacher. I loved and respected him deeply.
I will miss him. My love and condolences to Gaurav & the family. pic.twitter.com/jTMfSyAJ6J
— Rahul Gandhi (@RahulGandhi) November 23, 2020
আনহাতে দেশৰ ৰাষ্ট্ৰপতি ৰামনাথ কোবিন্দ, গৃহ মন্ত্ৰী অমিত শ্বাহেও তৰুণ গগৈৰ মৃত্যুত গভীৰ শোক প্ৰকাশ কৰে।
