প্ৰতিবাদী,চিত্ৰশিল্পীৰ বিৰুদ্ধে সৰব গুৱাহাটী আৰক্ষীৰ এইবাৰ হেৰাইছে থৰকাচুটি! কিছুদিন পূৰ্বে দেৱালত মুখ্যমন্ত্ৰীৰ বিৰুদ্ধে কাৰ্টুন অংকণ কৰি জেললৈ যাবলগীয়া হৈছিল ক্ৰমে শিল্পী মাৰ্শ্বেল বৰুৱা আৰু অংকুমান বৰদলৈ৷ ভৰলুমুখ থানাত দুয়োজনক ইমানেই নিছিদ্ৰ নিৰাপত্তা বেষ্টনীত ৰখা হৈছিল যে থানাৰ চৌহদত আটকাধীনৰ পৰিয়াল তথা নাগৰিক আৰু সংবাদকৰ্মীৰ প্ৰবেশ নিষিদ্ধ কৰা হৈছিল৷পিছে সেই গুৱাহাটী আৰক্ষীৰ অধীনতে সংঘটিত হৈছে লজ্জাজনক ঘটনা৷
মঙলবাৰে গুৱাহাটীৰ দিছপুৰ আৰক্ষীৰ জিম্মাত এজন কয়দী পলাবলৈ সক্ষম হোৱাৰ অভিযোগ উত্থাপন হোৱাৰ পাছতে তালাচী অভিযান আৰম্ভ হৈছিল৷
পূৰ্বেও জালিয়াতিৰ গোচৰত ধৰ্মেন্দ্ৰ ৰায় নামৰ অভিযুক্তজনক গ্ৰেপ্তাৰ কৰি দিছপুৰ থানাত থোৱা হৈছিল।
সূত্ৰ অনুসৰি ৰায় কটকটীয়া নিৰাপত্তাৰ বেষ্টনীত আছিল যদিও কোনোমতে তেওঁ থানাৰ পৰা পলায়ন কৰিবলৈ সক্ষম হয়। ইয়াৰ পিছতে আৰক্ষীয়ে অভিযুক্তক বিচাৰি উলিয়াবলৈ অনুসন্ধান অভিযান আৰম্ভ কৰিছে।
ৰায় কেনেকৈ পলায়ন কৰিবলৈ সক্ষম হ’ল তাৰ পৰিস্থিতি এতিয়াও স্পষ্ট নহয়, আৰু আৰক্ষীয়ে তদন্ত কৰি আছে যে তেওঁ কেনেকৈ পলায়ন কৰিবলৈ সক্ষম হ’ল।পিছে এইখিনিতে প্ৰতিবাদীৰ বিৰুদ্ধে সদাসজাগ স্মাৰ্ট চিটি আৰক্ষীৰ তদাৰকী ব্যৱস্থাৰ ওপৰতো বহুজনে প্ৰশ্ন উত্থাপন কৰিছে৷
