সমগ্ৰ বিশ্বতে সন্ত্ৰাস চলোৱা ক’ৰ’না ভাইৰাছে ভাৰততো ক্ৰমশঃ বিভীষিকাৰ সৃষ্টি কৰাৰ দিশে।
এতিয়াও এই মাৰাত্মক ভাইৰাছৰ প্ৰতিষেধক ওলোৱা নাই।
এনে অৱস্থাত বিশ্ব স্বাস্থ্য সংস্থা (WHO) কিছুমান বিধান আগবঢ়াইছে যিবোৰ সতৰ্কতাৰে পালন কৰিলে আপুনি এই মাৰাত্মক ভাইৰাছ বিধক প্ৰতিৰোধ কৰিব পাৰিব।
১. এলকহলযুক্ত হেণ্ড চিনটাইজাৰ ব্যৱহাৰ
সঘনে ৬০% এলকহলযুক্ত হেণ্ড চেনিটাইজাৰ ব্যৱহাৰ কৰক। চেনিটাইজাৰ দুয়োখন হাতত ২০ ছেকেণ্ড সময় ধৰি ঘঁহিব। চেনিটাইজাৰে হাতত থকা বীজাণুবোৰ ধ্বংস কৰে। চাবোনেৰেও ২০ ছেকেণ্ড সময় ধৰি হাত দুয়োখন ভালকৈ ধুলে হাত দুখন বীজাণুমুক্ত হয়।
২. মাস্ক ব্যৱহাৰ কৰক
মাস্কে সাধাৰণেত যিকোনো ভাইৰাছ বিয়পাত বাধা প্ৰদান কৰে। মাস্ক ব্যৱহাৰ কৰিলে এই ভাইৰাছবিধ শৰীৰত সংক্ৰমণ ঘটিব নোৱাৰে।
৩. সামাজিক দূৰত্ব
সামাজিক দূৰত্ব বৰ্তাই ৰাখক। বিশেষভাৱে জনসমাগম এৰাই চলক আৰু কোনো ব্যক্তিৰ লগত কথোপকথনৰ সময়ত অন্ততঃ ন্যূনতম ১ মিটাৰ ব্যৱধান বজাই ৰাখক।
৪. মুখ, নাখ আৰু চকু স্পৰ্শ নকৰিব
মুখ, নাক আৰু চকু হাতেৰে স্পৰ্শ নকৰিব। স্পৰ্শ কৰিলে হাতত থকা বীজাণু শৰীৰত সংক্ৰমণ ঘটিব।
৫. হাঁচি আৰু কাঁহোতে মুখ ঢাকি লওক
হাঁচি আৰু কাঁহোতে মুখখন ৰুমাল, টিচু পেপাৰ অথবা হাতেৰে ঢাকি ল’ব। কাঁহ আৰু হাঁচিওৱাৰ পিছত লগে লগে টিচু বা ৰুমালেৰে মুখখন চাফা কৰি ল’ব।
এই বিধানবোৰ মানি চলিলে আপুনি মাৰাত্মক ক’ৰ’না ভাইৰাছ সংক্ৰমণৰ পৰা নিজকে ৰক্ষা কৰিব পাৰিব।
ক’ৰ’না ভাইৰাছ সংক্ৰমণৰ ফলত দেশত নতুন হেল্প লাইন নম্বৰ মুকলি কৰা হৈছে – 1075/1800-112-545/011-23978046
উত্তৰ পূৱ ৰাজ্যসমূহৰ হেল্প লাইন নম্বৰ —
অসম– 6913347770
অৰুণাচল প্ৰদেশ- 9436055743
মণিপুৰ- 3852411668
মেঘালয়- 108
মিজোৰাম- 102
নাগালেণ্ড- 7005539659
ত্ৰিপুৰা- 0381-2315879
ছিকিম- 104
