কৰ’না কৱচ: ভাৰতে প্ৰস্তুত কৰিলে এন্টিবডী চিনাক্ত কৰিব পৰা প্ৰথমটো স্বদেশী কিট ‘এলীছা’
কৰ’না ভাইৰাছৰ পৰীক্ষা সন্দৰ্ভত ভাৰতে এক ডাঙৰ সফলতা লাভ কৰিছে। ভাৰতে কোভিড-১৯ৰ এন্টিবডী চিনাক্ত কৰিব পৰা টেষ্টিং কিট প্ৰস্তুত কৰি উলিয়াইছে।
পুনেৰ ভাৰতীয় আইচিএমআৰ আৰু নেশ্যনেল ইনষ্টিটিউট অফ ভাইৰ’লজিয়ে কোভিড-১৯ৰ এন্টিবডীৰ চিনাক্ত কৰি উলিয়াব পৰা স্বদেশী আই জি জি এলীছা ( ELISA) টেষ্ট ‘তোভিড কৱচ এলীছা’ প্ৰস্তুত কৰিছে।
কেন্দ্ৰীয় স্বাস্থ্য মন্ত্ৰী হৰ্ষবৰ্দ্ধনে কয় যে পুনেৰ নেশ্যনেল ইনষ্টিটিউট অফ ভাইৰ’লজিয়ে কোভিড-১৯ৰ এন্টিবডী চিনাক্ত কৰিবলৈ প্ৰথম স্বদেশী এন্টি-ছাৰ্ছ-চিঅ’বি-২ মানৱ আইজিজি এলীছা টেষ্ট কিট সফলতাৰে প্ৰস্তুত কৰি উলিয়াইছে।
National Institute of Virology, Pune has successfully developed the 1st indigenous anti-SARS-CoV-2 human IgG ELISA test kit for antibody detection of #COVID19 .
This robust test will play a critical role in surveillance of proportion of population exposed to #SARSCoV2 infection pic.twitter.com/pEJdM6MOX6
— Dr Harsh Vardhan (@drharshvardhan) May 10, 2020
স্বাস্থ্য মন্ত্ৰীগৰাকীয়ে লগতে জানিবলৈ দিয়ে যে এই কিট মুম্বাইত দুটা স্থানত পৰীক্ষা কৰি চোৱা হৈছে আৰু ইয়াৰ সঠিকতা পোৱা গৈছে।
ইয়াৰ দ্বাৰা আঢ়ৈ ঘন্টাত একেলগে ৯০টা চেম্প’ল টেষ্ট কৰিব পৰা যায় আৰু জিলা পৰ্যায়তো এলীছা ভিত্তিক টেষ্ট সহজতে সম্ভৱ হ’ব।
এই টেষ্টিং কিটৰ বৃহৎ পৰিমানৰ উৎপাদন আৰম্ভ কৰা হ’ব।
ইয়াৰ বাবে আইচিএমআৰে জাইডছ কেডিলাৰ সৈতে মিলি কাম কৰিব। শীঘ্ৰেই এই টেষ্টিং কিটৰ জৰিয়তে বৃহৎ পৰিসৰত লোকৰ পৰীক্ষা কৰাটো সম্ভৱ হ’ব।