পুনে, নাগপুৰ আৰু মুম্বাইত ভাৰতৰ ভিতৰতে সৰ্বাধিকসংখ্যক ক’ভিড-১৯ ৰোগী পোৱা গৈছে।
মহাৰাষ্ট্ৰৰ জিলাকেইখনত ১২,০০০ ৰো অধিক ৰোগী বৰ্তমান ক’ভিড-১৯ৰ স’তে যুঁজি আছে।
সমগ্ৰ দেশত ২.২ লাখ ৰোগী বৰ্তমান ক’ভিড-১৯ৰ চিকিৎসাগ্ৰহণ কৰি আছে।
আনহাতে, ফেব্ৰুৱাৰী মাহৰ শেষৰ সপ্তাহটোলৈকে, দেশখনৰ এই সংখ্যা আছিল ১.৫ লাখ।
শেহতীয়াকৈ কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা প্ৰতিবেদন অনুযায়ী, মহাৰাষ্ট্ৰ, পঞ্জাৱ আৰু হাৰিয়ানাত ক’ভিড-১৯ ৰোগীৰ সংখ্যা তীব্ৰগতিত বাঢ়িব ধৰিছে।
আনহাতে, কৰ্ণাটক, তামিলনাডুও এই তালিকাখনত পিছ পৰি ৰোৱা ৰোৱা নাই।
দেশৰ সমূহ জিলাক লৈ প্ৰস্তুত কৰা তালিকাখনৰ শীৰ্ষত আছে মহাৰাষ্ট্ৰৰ পুনে।
জিলাখনত বৰ্তমান ২৬,৪৬৮ জন লোক ক’ভিড-১৯ত আক্ৰান্ত হৈ আছে।
তাৰ পাছতে আছে মহাৰাষ্ট্ৰৰ নাগপুৰ, মুম্বাই, থানে আৰু নাছিক।
উল্লেখযোগ্য যে সমগ্ৰ দেশৰ ভিতৰত ক’ভিড-১৯ ৰোগীৰ ৫৯ শতাংশই হৈছে মহাৰাষ্ট্ৰৰ।
আনহাতে, শেহতীয়াকৈ পঞ্জাৱ ক’ভিড-১৯ হটস্পট হিচাপে বিবেচিত হৈছে।
দৈনিক ১০০০জনকৈ ক’ভিড-১৯ ৰোগী পাঞ্জাৱত ধৰা পৰিছে।
ৰাজ্যখনৰ জলন্ধৰ, পাটিয়ালা ইত্যাদি জিলাত অত্যধিক ৰোগী পোৱা গৈছে।
