কংগ্ৰেছ নেতা ৰাহুল গান্ধীৰ এটা ভিডিঅ’ সামাজিক মাধ্যমত ভাইৰেল হৈ পৰিছে।
ভিডিঅ’টোত দেখা গৈছে এজন ৯বছৰীয়া ল’ৰাৰ স’তে অন্তৰংগ মুহূৰ্ত পাৰ কৰিছে কংগ্ৰেছ নেতাজনে।
ল’ৰাজনৰ সপোন হৈছে এজন পাইলট হোৱা আৰু সেয়ে কংগ্ৰেছ নেতা গান্ধীয়ে ল’ৰাজনক নিজৰ হেলিকপ্টাৰৰ পাইলট কক্ষলৈ লৈ যায়।
কংগ্ৰেছ নেতাজনে ইনষ্টাগ্ৰামৰ এটা প’ষ্টত ভিডিঅ’টো আপলোড কৰিছে।
ইনষ্টাগ্ৰামৰ প’ষ্টটোত ল’ৰাজনৰ নাম অদ্বৈত নাম বুলি জনা গৈছে।
”অদ্বৈতৰ সপোন বাস্তৱায়ন কৰিবলৈ আমি প্ৰথম পদক্ষেপ গ্ৰহণ কৰিছো। এতিয়া আমাৰ দায়িত্ব হৈছে এখন সমাজ আৰু গাঁঠনি গঢ়া, যি তেওঁ উৰিবলৈ সকলো সুবিধা প্ৰদান কৰব।”- গান্ধীয়ে ইনষ্টাগ্ৰাম প’ষ্টটোৰ কেপচনত এইদৰে লিখিছে।
ভিডিঅ’টো আৰম্ভ হৈছে অদ্বৈতৰ স’তে গান্ধীৰ এক কথোপথনৰ জৰিয়তে।
গান্ধীয়ে অদ্বৈতক সোধে যে ডাঙৰ হ’লে সি কি হ’বলে মন?
অদ্বৈতৰ কয় যে সি এজন পাইলট হ’ব বিচাৰে কাৰণ সি উৰিব বিচাৰে।
পাছদিনা, অদ্বৈতক উৰাজাহাজৰ পাইলটকক্ষ তথা ককপিট দেখুৱাবৰ বাবে গান্ধীয়ে যা-যোগাৰ কৰে।
ককপিটত অদ্বৈতক ৰাহুল গান্ধী আৰু পাইলটজনে কিদৰে উৰাজাহাজ এখন উৰে, সেই বিষয়ে দেখুৱায়।
কেৰেলাৰ নিৰ্বাচনী প্ৰচাৰত দুদিনৰ বাবে ব্যস্ত থকা ৰাহুল গান্ধীয়ে অদ্বৈত আৰু তেওঁৰ পিতৃ-মাতৃক লগ পায় ৰাজ্যখনৰ কান্নুৰ জিলাৰ ইৰিট্টীত।
অদ্বৈতৰ স’তে এই সুন্দৰ ভিডিঅ’টো ইনষ্টাগ্ৰামত আপলোড কৰাৰ পাছতে অসংখ্য লোকে ৰাহুল গান্ধীৰ প্ৰশংসাত পঞ্চমুখ হৈ পৰিছে।
ভিডিঅ’টো বৰ্তমানলৈকে ১.৯ লাখৰো অধিক দৰ্শকে উপভোগ কৰিছে।
