ডিব্ৰুগড়ৰ আৰক্ষীয়ে শুকুৰবাৰে ১১টা বিৰল টোকাই গেকো (কেকো সাপ) জব্দ কৰাৰ লগতে ৩টা সৰবৰাহকাৰীক গ্ৰেপ্তাৰ কৰে।
১৯৭২ চনৰ বন্যপ্ৰাণী সুৰক্ষা আইন অনুসৰি এই প্ৰজাতিটোক অতি বিপন্ন বুলি তালিকাভুক্ত কৰা হৈছে।
জানিব পৰা মতে, গ্ৰেপ্তাৰ হোৱা লোক কেইজন দোষী সাব্যস্ত হ’লে সৰ্বোচ্চ সাত বছৰৰ কঠোৰ কাৰাদণ্ডৰ শাস্তি দিয়া হ’ব পাৰে।
উল্লেখ্য যে এই প্ৰজাতিৰ কেকো সাপ ভাৰতৰ ভিতৰত কেৱল অসম আৰু অৰুণাচল প্ৰদেশৰ কেইটামান অঞ্চলতহে পোৱা যায়। এই প্ৰজাতিৰ কেকো সাপৰ চাহিদা দক্ষিণ-পূব এছিয়াৰ কলা বজাৰত অত্যন্ত বেছি।
আৰক্ষী সূত্ৰই জনোৱা মতে, গ্ৰেপ্তাৰ হোৱা লোককেইজন হৈছে দেৱাশীষ দহোতীয়া (৩৪), মানস দহোতীয়া (২৮) আৰু দিপাংকৰ ঘৰফলিয়া (৪০)।
এক গোপন সূত্ৰৰ পম খেদি আৰক্ষীয়ে তিনি সৰবৰাহকাৰীক গ্ৰেপ্তাৰ কৰা লগতে কেকো কেইটা উদ্ধাৰ কৰিবলৈ সক্ষম হয়।
ডিব্ৰুগড় জিলা আৰক্ষী আৰু দক্ষিণ এছিয়া বন্যপ্ৰাণী ন্যায় আয়োগৰ ঘনিষ্ঠ কাৰ্যকৰী আৰু চোৰাংচোৱাৰ সহায়ত অভিযানকাৰী দলটোৱে মোহনবাৰী অঞ্চলৰ ফিষ্ট ধাবাত তেওঁলোকক গ্ৰেপ্তাৰ কৰে। ইয়াৰে দুজন এ এছ-২৩ডব্লিউ-৫৫০৬ নম্বৰৰ এখন বগা গাড়ীত আহিছিল আৰু এজন পঞ্জীয়ন নম্বৰ AS-06AF-0276 থকা মটৰ চাইকেলত আহিছিল।
সোধা-পোছাৰ সময়ত তেওঁলোকে অৰুণাচল প্ৰদেশৰ পৰা টোকাই গেকো জেঠীকেইটা সংগ্ৰহ কৰি প্ৰতিটো এক লাখ টকাত বিক্ৰী কৰাৰ চুক্তি চূড়ান্ত কৰিছিল বুলি জানিব পৰা গৈছে।
