পেহেলগাম সন্ত্ৰাস আৰু অপাৰেচন সিন্দুৰৰ পাছত ভাৰতৰ স্থিতি আৰু সমগ্ৰ বিশ্বৰ প্ৰতি পাকিস্তানৰ দ্বিধাবোধক উজ্জ্বল কৰি তুলিবলৈ কেন্দ্ৰই বিশ্বৰ বিভিন্ন প্ৰান্তলৈ প্ৰতিনিধি দল প্ৰেৰণ কৰিছে। ইতিমধ্যে বিভিন্ন দেশত উপস্থিত হৈছে ভাৰতৰ দল। বিজেপি সাংসদ ৰবি শংকৰ প্ৰসাদৰ নেতৃত্বত গঠিত দলটো বৰ্তমান ডেনমাৰ্কৰ কোপেনহেগেনত আছে। শুকুৰবাৰে কোপেনহেগেনত বসবাস কৰা ভাৰতীয়ৰ সৈতে কথা পাতি থাকোঁতে একাংশ পাকিস্তানে বৈঠকৰ বাহিৰত হঠাৎ ভাৰত বিৰোধী শ্লোগান উত্থাপন কৰে। পাকিস্তানৰ ষড়যন্ত্ৰ উদঙাই দি তীব্ৰ সঁহাৰি দিবলৈ কুণ্ঠাবোধ নকৰিলে দিল্লীৰ ‘সৈনিক’ ৰবি শংকৰে। তেওঁ কয়, “পাকিস্তানে সদায় হতাশাত জীয়াই থাকে। সেয়া নুশুনিব।”
পাকিস্তানক লক্ষ্য কৰি তেওঁ কয়, “আমাৰ বৈঠকখন অতি ভালদৰে চলি আছে। কিন্তু বাহিৰত পাকিস্তানীৰ এটা দলে শ্লোগান চিঞৰি থকা দেখি মই অতি আচৰিত হৈছিলো। তেওঁলোকক নিশ্চয় এনেকুৱা কাম কৰিবলৈ নিৰ্দেশ দিয়া হৈছে। পাকিস্তানে সদায় হতাশাত জীয়াই থাকে। সেয়া নুশুনিব।”
ইয়াৰ পাছতে পাকিস্তান অধিকৃত কাশ্মীৰ আৰু বেলুচিস্তানত মানৱ অধিকাৰ উলংঘাৰ বিৰুদ্ধে মাত মাতিলে বিজেপি সাংসদগৰাকীয়ে। তেঁও ক’লে “আপুনি জানেনে পাকিস্তান অধিকৃত কাশ্মীৰৰ জনসাধাৰণে কিমান কষ্টত ভুগিছে? তেওঁলোকে ভাৰতলৈ উভতি যাবলৈ চিঞৰিছে। আনহাতে বেলুচিস্তানত মহিলাৰ প্ৰতি যি বৰ্বৰতা দেখা গৈছে সেয়া কল্পনাতীত। ভাৰতে কেতিয়াও যুদ্ধ আৰম্ভ কৰা নাই। পাকিস্তানে প্ৰতিবাৰেই আৰম্ভ কৰিছে। ভাৰতে কেৱল বাধাহে দিছে।”
ৰবি শংকৰৰ নেতৃত্বত কোপেনহেগেনত থকা প্ৰতিনিধি দলটোত বিজেপিৰ সাংসদ ডগ্গুবতী পুৰন্দেশ্বৰী, শমিক ভট্টাচাৰ্য, শিৱসেনাৰ (উদ্ধৱ) সাংসদ প্ৰিয়ংকা চতুৰ্বেদী, কংগ্ৰেছৰ সাংসদ গুলাম আলী খাটানা আৰু অমৰ সিং, প্ৰাক্তন কেন্দ্ৰীয় মন্ত্ৰী এম জে আকবৰ, আৰু প্ৰাক্তন ৰাষ্ট্ৰদূত পংকজ শৰণ।
