অসমত প্ৰথমবাৰৰ বাবে অনুষ্ঠিত হোৱা গ্ৰেটাৰ গুৱাহাটী বেবী ফুটবল লীগৰ বিভিন্ন শাখাৰ ফাইনেল খেল সমূহ আজি অনুষ্ঠিত হৈ যায়। গুৱাহাটীৰ নেহৰু ষ্টেডিয়ামত অনুষ্ঠিত হোৱা অনূৰ্ধ্ব ১১, ১৩ আৰু ১৪ শাখাৰ ফাইনেলত শ্ৰেষ্ঠত্ব অৰ্জন কৰে ক্ৰমে সৰুসজাই হকছ, জি টি চি ৰাইনোজ আৰু এন এফ আৰ এছ এ ক্ৰ’জে।
সৰুসজাই হকছ আৰু জি ৱাই এছ এফ চি চিৰ মাজত অনুষ্ঠিত হোৱা অনূৰ্ধ্ব ১১ৰ ফাইনেলত ২-০ৰ ব্যৱধানত জয়ী হয় সৰুসজাই হকছ। আনহাতে অনূৰ্ধ্ব ১৩ৰ ফাইনেলত জি টি চি ৰাইনোজে ১-০ গ’লৰ ব্যৱধানত পৰাস্ত কৰে ৰিংচাং ঈগলছক।
ইফালে এন এফ আৰ এছ এ ক্ৰ’জে বি এম ৱাই চি থাণ্ডাৰ্ছক ২-০ৰ ব্যৱ্ধানত পৰাস্ত কৰি অনূৰ্ধ্ব ১৪ৰ খিতাপ দখল কৰে। তদুপৰি এই লীগৰ অনূৰ্ধ্ব ৭ আৰু অনূৰ্ধ্ব ৯ৰ চেম্পিয়ন পইণ্টৰ ভিত্তিত নিৰ্ধাৰণ কৰা হয়।
উল্লেখ্য যে গুৱাহাটী চিটি এফ চি আৰু স্প’ৰ্টছ মেনেজমেণ্টৰ উদ্যোগত অনুষ্ঠিত হোৱা এই প্ৰতিযোগিতাখনত মুঠ ৮৪টা দলে অংশ গ্ৰহণ কৰিছিল। পাঁচটা বয়স গোটত প্ৰায় ৯০০ শিশুৱে প্ৰতিযোগিতাখনত অংশ লয়।
