চেম্পিয়নছ ট্ৰফীৰ শ্ৰেষ্ঠ দল ঘোষণা কৰিছে আইচিচিয়ে। সেই দলত নাই ভাৰতৰ অধিনায়ক ৰোহিত শৰ্মা। বৰঞ্চ মিচেল ছাণ্টনাৰক অধিনায়ক হিচাপে ঘোষণা কৰা হৈছে। অৱশ্যে ছয়গৰাকী ভাৰতীয় ক্ৰিকেটাৰ দলত স্থান লাভ কৰিছে।
আইচিচিয়ে ১২ জনীয়া এটা দল বাছনি কৰিছে। কিন্তু ৰোহিত সেই দলত নাই। আনকি হাৰ্দিক পাণ্ডিয়াইও ঠাই নাপালে। টিম ইণ্ডিয়াৰ পৰা বিৰাট কোহলী, শ্ৰেয়াছ আয়াৰ, লোকেশ ৰাহুল, বৰুণ চক্ৰৱৰ্তী, মহম্মদ ছামীক অন্তৰ্ভুক্ত কৰা হৈছে। আৰু দলটোৰ দ্বাদশ সদস্য অক্ষৰ পেটেল।
ৰানাৰ্ছ আপ নিউজিলেণ্ড দলৰ আছে চাৰিগৰাকী। ৰাচিন ৰবিন্দ্ৰ, মিচেল ছাণ্টনাৰ, গ্লেন ফিলিপছ আৰু মেট হেনৰী। আফগানিস্তানৰ দলৰ পৰা দুগৰাকীক নিৰ্বাচিত কৰা হৈছে। তেওঁলোক হ’ল ইব্ৰাহিম জাদ্ৰান আৰু আজমাতুল্লাহ ওমৰজাই।
এই দলত ৰাচিন ৰবীন্দ্ৰ আৰু ইব্ৰাহিম জাদ্ৰানে অ’পেন কৰিব। তৃতীয় স্থানত আহিব বিৰাট কোহলী। শ্ৰেয়াছ চাৰিত। পাঁচ নম্বৰত আছে ৰাহুল। গ্লেন ফিলিপছ ছয় নম্বৰত। সাত নম্বৰত আজমাতুল্লাহ ওমৰজাই, আঠ নম্বৰত মিচেল ছাণ্টনাৰ। নৱম স্থানত ছামী, দহ নম্বৰত বৰুণ আৰু ১১ নম্বৰত হেনৰী। অক্ষৰ দলৰ ১২ নং সদস্য। কোনো পাকিস্তানী ক্ৰিকেটাৰে এই দলত সুযোগ নাপালে।
অৰ্থাৎ আইচিচিয়ে যিটো দল নিৰ্বাচন কৰিছে তাত পেচাৰ ছামী আৰু হেনৰী আছে। আৰু চাৰিজন স্পিনাৰ আছে।
সম্পূৰ্ণ দলটো হ’ল- ৰাচিন ৰবীন্দ্ৰ, ইব্ৰাহিম জাদ্ৰান, বিৰাট কোহলী, শ্ৰেয়াছ আয়াৰ, কে এল ৰাহুল, গ্লেন ফিলিপছ, আজমাতুল্লাহ ওমৰজাই, মিচেল ছাণ্টনাৰ (অধিনায়ক), মহম্মদ ছামী, মেট হেনৰী, বৰুণ চক্ৰৱৰ্তী।
দ্বাদশ সদস্য: অক্ষৰ পেটেল
