নগাঁৱৰ ৰূপহীহাটত মৰ্মান্তিক পথ দুৰ্ঘটনা! তিনিজন লোক নিহত

যোৱা ৩০ নৱেম্বৰৰ নিশা নগাঁও জিলাৰ ৰূপহীহাটত সংঘটিত এক মৰ্মান্তিক পথ দুৰ্ঘটনাত তিনিজন লোকৰ কৰুণ মৃত্যু ঘটে। ৰূপহীৰ পৰা বালিগাঁও অভিমুখে গৈ থকা এখন মটৰচাইকেল (Motorcycle) নিয়ন্ত্ৰণ হেৰুৱাই দুৰ্ঘটনাগ্ৰস্ত হোৱাৰ ফলত তিনিওজন আৰোহীৰ ঠিতাতে মৃত্যু হয়।

মৃত যুৱককেইজন কাঞ্চনপুৰ গাঁৱৰ বাসিন্দা বুলি জানিব পৰা গৈছে। তেওঁলোক হ‘ল— ৰাজদুল, মেহেদী আলম, আৰু ছাকিল আহমেদ।

আৰক্ষীয়ে সন্দেহ কৰিছে যে মটৰচাইকেলখনে কোনো অচিনাক্ত বাহনত খুন্দা মৰাৰ ফলত এই দুৰ্ঘটনা সংঘটিত হ’ব পাৰে। দুৰ্ঘটনা সংঘটিত হোৱাৰ পিছতে ৰূপহীহাট আৰক্ষী ঘটনাস্থলীত উপস্থিত হৈ মৃতদেহকেইটা মৰণোত্তৰ পৰীক্ষাৰ বাবে নগাঁওলৈ প্ৰেৰণ কৰে। বৰ্তমান এই দুৰ্ঘটনা সন্দৰ্ভত আৰক্ষীৰ তদন্ত অব্যাহত আছে।