উচ্চতম ন্যায়ালয়ে ৰায় দিছে যে উত্তৰ প্ৰদেশৰ এজন “জ্যেষ্ঠ আৰু অধিক অভিজ্ঞ” ন্যায়াধীশে বাৰাণসীৰ জ্ঞানৱাপী মছজিদত হিন্দু মূৰ্তি আৰু ধ্বংসাৱশেষ আছে বুলি কৰা দাবীৰ শুনানি ল’ব। শীৰ্ষ আদালতে বৰ্তমান শুনানি চলি থকা আদালতৰ পৰা গোচৰটো আঁতৰাবলৈ নিৰ্দেশ দিছে।
উচ্চতম ন্যায়ালয়ে কয় যে গোচৰটোৰ জটিলতা আৰু সংবেদনশীলতাৰ কথা বিবেচনা কৰি, ধাৰণা হৈছে যে গোচৰটোৰ শুনানি সত্ৰ আদালতৰ সলনি জিলা আদালতত হ’ব লাগে। উচ্চতম ন্যায়ালয়ে লগতে কয় যে “এজন অধিক অভিজ্ঞ ন্যায়িক বিষয়াই” গোচৰটোৰ শুনানি ল’ব।
লগতে পঢ়ক: ন্যায়ালয়ৰ মজিয়াত উন্মোচিত হ‘ল হাইস্কুল টে’ট পৰীক্ষা ব্যাপক ফলাফল বিসংগতি: ডি ৱাই এফ আই
ইয়াৰ পূৰ্বে জৰীপৰ নেতৃত্ব দিয়া বিষয়াজনক নিলম্বিত কৰা হয়। জানিব পৰা মতে তেওঁৰ “ব্যক্তিগত কেমেৰাপাৰ্ছন”য়ে বিভিন্ন ছবি ফাদিল কৰিছিল। চিত্ৰগ্ৰহণৰ অন্তিম দিনটোত বিষয়াসকলে মছজিদ চৌহদৰ ভিতৰত এটা পুখুৰীত এটা “শিৱলিঙ্গ” পাইছিল বুলি জনাইছিল। এই পুখুৰীটো প্ৰাৰ্থনাৰ আগতে “ৱাজু” বা শুদ্ধিকৰণ ৰীতি-নীতিৰ বাবে ব্যৱহাৰ কৰা হয়।
একে সময়তে, শীৰ্ষ আদালতে শিৱলিঙ্গ পোৱা অংশটোৰ সুৰক্ষাৰ বাবে ইয়াৰ নিৰ্দেশ অব্যাহত ৰাখিছে। আদালতে এইটোও কয় যে মুছলমান উপাসকসকলক ‘ৱাজু’ৰ বাবে আন এটা ঠাই নিৰ্ধাৰণ কৰি দিব লাগিব।
পাঁচগৰাকী হিন্দু মহিলাৰ আবেদনৰ পিছত বাৰাণসী অসামৰিক আদালতে মছজিদৰ ভিতৰত ভিডিঅ’ নিৰ্মাণ কৰিবলৈ নিৰ্দেশ দিছিল। মহিলাকেইগৰাকীয়ে আৱেদনখনত কৈছিল যে তেওঁলোকে মছজিদৰ ভিতৰত প্ৰাৰ্থনা কৰিব বিচাৰে কিয়নো তাত হিন্দু দেৱ-দেৱীৰ মূৰ্তি আছে।
লগতে পঢ়ক: NRC ৰ প্ৰাক্তন ৰাজ্যিক সমন্বয়ক প্ৰতীক হাজেলাৰ বিৰুদ্ধে গোচৰ
উচ্চতম ন্যায়ালয়ত জ্ঞানৱাপী মছজিদ সমিতিয়ে এই ভিডিঅ’ৰ বিৰোধিতা কৰিছিল। তেওঁলোকে কৈছিল যে এই ভিডিঅ’ উপাসনা স্থান আইন, ১৯৯১ৰ বিৰোধী।
