ৰাষ্ট্ৰীয় নাগৰিক পঞ্জীৰ চুড়ান্ত তালিকা প্রকাশলৈ মাজত মাত্ৰ এটা দিন থকাৰ সময়ত আজি বোকাখাত মহকুমাধিপতিৰ কার্যালয়ৰ সভা কক্ষত এক গুৰুত্বপূৰ্ণ সভা অনুষ্ঠিত হয় ।
মহকুমাধিপতি বিবেক শ্যামৰ সভাপতিত্বত অনুষ্ঠিত এই সভাত আৰক্ষী, গাওঁৰক্ষী বাহিনী তথা বোকাখাত মহকুমাৰ চৰকাৰী গাওঁবুঢ়া সকল উপস্থিত থাকে।
সভাত মহকুমাধিপতিয়ে ৰাষ্ট্ৰীয় নাগৰিক পঞ্জীৰ চুড়ান্ত তালিকা প্রকাশৰ সময়ছোৱাত মহকুমাটোত যাতে শান্তি-শৃঙ্খলা বর্তি থাকে আৰু কোনো ধৰণৰ অপ্রীতিকৰ পৰিস্থিতি যাতে সৃষ্টি নহয় তাৰ প্ৰতি সজাগ হবলৈ উপস্থিত সকলোকে আহ্বান জনায়।
সভাত বোকাখাত ৰাজহ চক্ৰ বিষয়া খনিন্দ্র দাসে এন আৰ চিৰ চুড়ান্ত তালিকা সম্পর্কে বিতংকৈ ব্যাখ্যা কৰি কোনো ব্যক্তিৰ নাম চুড়ান্ত তালিকাত প্রকাশ নাপালে ভীতিগ্রস্ত নহ’বলৈ লগতে কিবা শংকা থাকিলে এন আৰ চি কৰ্তৃপক্ষৰ লগত যোগাযোগ কৰিবলৈ আহ্বান জনায় ।
সভাত বোকাখাত মহকুমা আৰক্ষী বিষয়া ডাঃ কল্যাণ কুমাৰ দাসে গাওঁৰক্ষী বাহিনীসমূহক উক্ত সময়য়ছোৱাত সজাগ হৈ থকাৰ লগতে জনসাধাৰণৰ মাজত ৰাষ্ট্ৰীয় নাগৰিক পঞ্জীৰ চুড়ান্ত তালিকা সন্দৰ্ভত সজাগতা সৃষ্টিৰ বাবে আহ্বান জনায়।
তদুপৰি, মহকুমাটোৰ যিকোনো স্থানত কোনোধৰণৰ অপ্রীতিকৰ পৰিস্থিতিৰ সৃষ্টি হ’লে আৰক্ষী প্রশাসনৰ লগত যোগাযোগ কৰিবলৈ নির্দেশ দিয়ে ।
আজিৰ সভাত বোকাখাত মহকুমাৰ সহকাৰী আয়ুক্ত শান্তনু গগৈ আৰু ৰণময় ভৰদ্বাজ, চক্ৰ বিষয়া ( সংলগ্ন ) শাগুফতা আনজোম সোহেলীও উপস্থিত থাকে ।
