উত্তৰ প্ৰদেশত সংঘটিত হৈছে এক চাঞ্চল্যকৰ ঘটনা। ঘৰুৱা বিবাদৰ সময়ত এগৰাকী মহিলাই স্বামীৰ যৌনাংগ কাটি পেলোৱাৰ অভিযোগ উত্থাপন হৈছে।
শনিবাৰে নিশা ফসংগঞ্জ কাচনাৱ গাঁৱত সংঘটিত হয় এই ঘটনা। কাজিব পৰা মতে, স্বামী আনছাৰ আহমেদ (৩৮)ৰ সৈতে কাজিয়াত লিপ্ত হয় দ্বিতীয় পত্নী নাজনীন বানো। কাজিয়াৰ সময়ত বানোৱে স্বামীক দাৰে আক্ৰমণ কৰে। আক্ৰমণৰ সময়ত স্বামীৰ যৌনাংগ কাটি পেলায় পত্নীগৰাকীয়ে।
জানিব পৰা মতে, আহমেদৰ দুগৰাকী পত্নী আছিল – ছাবেজুল আৰু নাজনীন বানো। দুয়োৰে ফালৰ পৰা কোনো সন্তান নাছিল। সন্তান নোহোৱাক লৈ ঘৰত সঘনাই কাজিয়াৰ সৃষ্টি হৈছিল।
গুৰুতৰভাৱে আহত আহমদক ততাতৈয়াকৈ জগদীশপুৰৰ সামূহিক স্বাস্থ্য কেন্দ্ৰলৈ লৈ যোৱা হয় আৰু পিছত উন্নত চিকিৎসাৰ বাবে ৰায়েবাৰেলীৰ অল ইণ্ডিয়া ইনষ্টিটিউট অৱ মেডিকেল ছায়েন্স (এইমছ)লৈ প্ৰেৰণ কৰা হয়।জগদীশপুৰ ষ্টেচন হাউছৰ বিষয়া ৰাঘবেন্দ্ৰই কয় যে নাজনীনক জিম্মাত লোৱা হৈছে আৰু জেৰা চলি আছে।
